O Dépor xogará en Córdoba con Juan Domínguez, Juan Rodríguez e Desmarets no centro do campo

Xa en rolda de prensa, confirmou ao tres centrocampistas e aclarou a ausencia de Antonio Tomás por segundo partido consecutivo: "aquí non se castiga a ninguén. Imos xogar con Juan Domínguez, Juan Rodríguez e Desmarets aí; e logo para cambios está Rubén. Decidín que non viaxe e xa está".
 
É máis, desvelou que falara deste tema co Presidente, Augusto César Lendoiro: "O que non se pode é comparar, como se fixo e faise normalmente unha acción dun adestramento coas imagenes de Aouate e Djalminha. Pero xa sei que ésto é xornalismo e todo vale. Ésto é un rifi rafe que vimos en varios equipos. É unha quentura normal nun adestramento e non hai castigo nin expediente".
 
Sobre a inminente apertura do mercado invernal, afirmou que "non se se imos fichar ou non. Non imos traer un xogador por traer porque non temos esa necesidade. Se aparece ese dianteiro e se pode ser farase. Igual que no verán. No verán non saíu, agora non o sei".
 
Tamén foi tallante en canto ás saídas: "Non hai previsto ningunha saída. O que pasa é que con este tema que se pode cambiar de equipo aínda que xogases cinco partidos nunca se sabe".
 
O adestrador deportivista volveu deixar claro o seu punto de vista sobre a Copa do Rei. "Co sorteo abríronse unhas expectativas, aínda que a min paréceme moi complicado. É verdade que hai dúas 'segundas' (Betis e Córdoba), pero agora entre os 16 equipos están todos, Real Madrid, Barça, Sevilla, Athletic de Bilbao, Atlético de Madrid. Están todos. Pero iso non quita que non queiramos chegar o máis lonxe posible na Copa e que non nola tomemos coa seriedade que se merece", argumenta Lotina.
 
Sobre o rival de mañá, lembrou que "o Córdoba eliminou ben ao Racing. É un equipo moi ben traballado, cun adestrador que traballa moi ben. Non vai ser un paseo, xa o vereis".
 
Neste sentido, Juan Rodríguez sinalou, tamén na sala de prensa do Mundo do Fútbol, que "no Córdoba teño varios amigos. Teñen xente con experiencia e calidade". Recoñece o centrocampista andaluz que o equipo "ten posta moita ilusión na Copa". Pide no entanto "saír mentalizados ao partido e facer as cousas ben".
 
Antes de falar de cuartos de final ou semifinais, Juan Rodríguez asegura que "é mellor ir partido a partido".