O DéporCampus Cabreiroá volve a Carballo, coa súa segunda edición no campo das Eiroas durante a próxima Semana Santa, en tres xornadas de adestramento os días 11, 12 e 13 de abril. A actividade está destinada a nenos e nenas entre os 6 e os 14 anos, con cotas de inscrición que oscilan entre os 65 e os 75 euros.
A actividade xa conta con máis de 40 inscritos e quedan as últimas prazas dispoñibles. As inscricións atópanse abertas até mañá venres 8 de abril ás 12:00 horas en deporcampus.rcdeportivo.es/gl.
A presentación tivo lugar onte mércores día 6 de abril dentro da oferta de actividades que terán lugar esta semana festiva nas instalacións do campo municipal das Eiroas. O acto contou coa presenza de Luciano Calvo, presidente do Bergantiños FC, e Pablo Barros, coordinador de actividades formativas da Fundación RC Deportivo.
Para calquera dúbida ou consulta acerca da actividade ou co procedemento de inscrición, os interesados poden escribir á dirección de correo electrónico deporcampus@rcdeportivo.es.
