No resto de categorías os resultados foron os seguintes:
Na División de Honra cadete, o Deportivo impúxose por 3 a 0 ao Pontevedra na Xunqueira. O Dépor, dirixido por José Luís Devesa, encaixou o pasado fin de semana ante o Pavillón o seu primeiro tanto no que vai de Liga, polo que leva un gol en contra en 13 partidos disputados. Toda unha marca dun equipo no que brilla o seu traballo colectivo.
Tamén en cadete, pero na liga Galega, o Deportivo B caeu 2 a 3 ante o Milagrosa en 'O Mundo do Fútbol'.
O Deportivo A alevín de fútbol sete gañou 2 a 1 ante o Calasanz no campo da Grela II.
