O Deportivo non ofrece a súa mellor versión e sofre unha clara derrota
Foto: Andrés Dans O Dépor cayó derrotado esta noite no Estadio Santiago Bernabeu ante o Real Madrid (5-1). Oltra, en rolda de prensa, non puxo en dúbida o esforzo do equipo pero sí manifestó que "hoxe non demos
Empezou ben o Deportivo no Bernabeu, tocando ben a pelota e afastando ao Real Madrid da área de Aranzubia.
Así, unha boa combinación pola dereita acabou nun balón de Riki diante de Casillas, que o dianteiro deportivista cruzou á rede.
O Dépor situouse ben en defensa, pero o Real Madrid deulle a volta ao partido grazas á calidade de Dei Maria, que forzou o penalti de Manuel Pablo no empate, e logrou o segundo tras un gran desmarque.
Cristián pechou o marcador ao descanso cun 3-1 que puña o partido moi costa arriba.
No descanso, Manuel Pablo, cunhas molestias nos isquiotibiais da súa perna esquerda, deixa o seu sitio a Laure. Nos brancos entra Kaka por Ozil.
No segundo tempo, o partido seguiu coa mesma tónica. O Real aproveitou o seu enorme pegada para seguir creando ocasións, aínda que os dous goles brancos neste acto chegaron nunha falta lateral e nun penalti por man de Evaldo que transformou de novo Cristián.
Mágoa que o colexiado, Ayza Gámez, anulase erroneamente na recta final un gol legal a Camuñas, por entender fóra de xogo do deportivista que non o era.
Real Madrid: Casillas, Varane, Pepe, Sergio Ramos, Khedira, Ronaldo, Ozil (m. 46, Kaka), Marcelo, Modric (m. 56, Xavi Alonso), Higuain (m. 64, Benzema) e Dei María.
Deportivo: Aranzubia, Manuel Pablo (m. 46, Laure), Ze Castro, Marchena, Evaldo, Alex, Juan Dominguez (m. 69, Camuñas), Bruno Gama, Pizzi, Abel Aguilar e Riki (m. 55, Nelson).
Árbitro: Ayza Gámez, do Colexio Valenciano. Amoestou por parte do Deportivo a Manuel Pablo e Evaldo.
Goles: 0-1, m. 18: Riki; 1-1, m. 22: Cristián, de penalti; 2-1, m. 37: Dei Maria; 3-1, m. 43: Cristián; 4-1, m. 65: Pepe; 5-1, m. 83: Cristián, de penalti.
