O Fabril dobregou (4-1) ao Polvorín FC en Abegondo en partido correspondente á 21ª xornada en Tercera RFEF. Con este resultado, o filial reencóntrase coa vitoria despois de case un mes sen gañar, incluídos varios adiamentos por COVID.
O protagonista do partido foi Davo, autor de tres goles fabrilistas, todos eles na segunda metade.
O choque púxose costa arriba ao minuto 5 cun tanto do lucense Leandro. Os de Óscar Gilsanz tentaron igualar pero o Polvorín FC apropiouse da pelota e dificultou o xogo do filial branquiazul.
Tralo paso polo vestiario o partido cambiou de rumbo. Aos 53, Davo pon o empate após un pase longo de David Suárez. Foi o principio do fin para o Polvorín FC.
Óscar Gilsanz deu entrada a Runy e das súas botas naceu o 2-1, obra de Davo no minuto 69; e o 3-1 no minuto 71, tamén de Davo, gol que sentenciou o partido.
Nájera, no tempo engadido, sumouse á festa de Abegondo cun gran tanto despois de driblar a dous rivais.
Con este resultado, o Fabril suma 28 puntos e achégase ao grupo de cabeza.
Fabril: Brais Suárez, Guerrero, David Suárez, Dani Barcia, Iano Simão, Mario Domínguez, Brais Val, Mella, Javi Sanmartín, Yeremay e Davo. Tamén xogaron: Runy, Fabio, Víctor, Jairo e Nájera.
Este mércores 2 de febreiro ás 20:00 horas, o filial deportivista recibirá na Cidade Deportiva ao Atlético Arnoia, en partido correspondente á 14ª xornada aprazado até en dúas ocasións por COVID.
Os resultados do Fabril até a data son os seguintes:
Fabril 0 - Racing Villalbés 0
Noia CF 0 - Fabril 3 (Davo -2- e Yeremay)
Fabril 2 (Runy e Yeremay) - Viveiro CF 0
Polvorín FC 1 - Fabril 0
Fabril 1 (Davo) - CD Choco 0
Ourense CF 0 - Fabril 0
Fabril 2 (Davo -2-) - SD Sofán 0
SD Juvenil de Ponteareas 0 - Fabril 0
Fabril 2 (Runy e Fabio) - CD Barco 1
Alondras CF 1 - Fabril 0
Fabril 3 (Yeremay -2- e Runy) - UD Somozas 0
CSD Arzúa 2 - Fabril 1 (Runy)
Fabril - Atlético Arnoia, o mércores 2 de febreiro ás 20:00 horas
Silva SD 1 - Fabril 2 (Davo e Dani Barcia)
Fabril 1 (Javi Sanmartín) - CD Estradense 2
Rápido de Bouzas 3 - Fabril 1 (Davo)
Racing Villalbés - Fabril, aprazado
Fabril 0 - CF Noia 0
Viveiro CF 1 - Fabril 0
Fabril 4 (Davo -3- e Nájera) - Polvorín FC 1
