O Presidente Lendoiro, a Riazor.org: Un Mundial deixaría na Coruña beneficios incalculables
O Presidente do Deportivo, Augusto César Lendoiro, concedió unha entrevista ao portal web Riazor.org. Habló de todos os temas e, por suposto, también da posible sede da Coruña para o Mundial de Fútbol.
Para o dirixente branquiazul, os beneficios dun Campenato do Mundo de fútbol "son incalculables. Estamos a falar primeiro a case dez anos vista, sería en primeiro lugar deixar un estadio de primeiro nivel, de xeración actual para o Deportivo dos próximos 20 ou 25 anos. Estamos a falar de xerar para A Coruña miles e miles, porque se fala de que serían oito ou nove estadios en España, deberíalle corresponder a cada un un grupo. Estamos a falar de 6 partidos, dos cales dous ou tres serían de alto nivel económico e deportivo.
Non estamos a falar do Mundial do 82, habería que repasar para facer sobre iso unhas valoracións, ver o que foron os mundiais dos últimos tempos, e os próximos mundiais. Precisamente nunha época na que en Galicia non vai haber Xacobeo en 12 anos, chegaría un momento fenomenal para o interese de Galicia. Desde o punto de vista de infraestruturas, sería xa de forma definitiva. Xa non esperemos telo moito antes, para o AVE e para todo o que serían as grandes infraestruturas para Galicia.
Hoxe en día ser partícipe dun Mundial de fútbol é extraordinario, porque unha Olimpíada favorece de forma exclusiva a unha cidade, pero un Mundial para España significaría o estar representadas a práctica totalidade das comunidades importantes do país e, neste caso, tamén de Portugal pola proximidade".
Se lembramos o vivido pola cidade este fin de semana con motivo da visita do Sporting, o Presidente Lendoiro sabe do que está a falar cando se refire á Coruña e o Mundial de fútbol.
