Ás 11.30 en punto de hoxe domingo 1 de xaneiro saltaron ao céspede do campo 3 da Cidade Deportiva de Abegondo os futbolistas do Deportivo, ademais dos fabrilistas Óscar e Nacho Monsalve, para realizar a primeira sesión de adestramento do ano 2017, cun intenso frío pero con público, sobre todo infantil.
Como é habitual dous días antes de cada partido, Gaizka Garitano rebaixou a intensidade. Así, houbo rondos, fútbol tenis e un exercicio táctico por liñas, co obxecto de traballar a defensa, saída de balón e a presión en ataque.
Mañá luns 2 de xaneiro, o Deportivo adestrarase ás 11.00 en Abegondo.
