A pouco máis de dúas semanas para o comezo da primeira quenda, os DéporCampus Cabreiroá 2018 de Abegondo xa superaron a cifra de 300 inscritos.
Máis de tres centenares de nenos xa confirmaron a súa participación nalgunha das seis quendas que terán lugar este verán na Cidade Deportiva do Real Club Deportivo, entre o 25 de xuño e o 3 de agosto.
Aínda quedan dúas semanas para o peche de inscricións da primeira quenda. Os interesados aínda poden darse de alta até o mediodía do xoves 21 de xuño. As inscricións están abertas a nenas e nenos de entre 6 e 14 anos.
Nos seis DéporCampus Cabreiroá 2018 de Abegondo organizarase a habitual festa de clausura, que este ano conta como novidade coa instalación de inchables para prolongar aínda máis se cabe a diversión de todos os participantes.
Os DéporCampus Cabreiroá creceron de forma exponencial desde a chegada do actual consello de administración do RC Deportivo. Dun campus cunha única sede e menos dun centenar de nenos e nenas en 2013 pasáronse ás actuais 14 localizacións. Este verán estréanse 5 sedes: Ourense, Cuntis, Dumbría, Boiro e Camargo (Cantabria), que se suman ás xa existentes en Abegondo, Viveiro, Bertamiráns, Caranza, Monforte, As Pontes, Ordes, Zas e Xenebra (Suíza).
Podes atopar toda a información dos DéporCampus Cabreiroá en deporcampus.rcdeportivo.es/gl
