Pablo Martínez foi o protagonista na sala de prensa de Abegondo. Despois de varios partidos no once como titular, admite o futbolista francés que séntese "moito mellor porque cando cheguei non tiña ritmo e agora coa titularidade e os partidos síntome un pouco mellor".
Ve "importante gañar en ABANCA-RIAZOR. Temos que gañar todos os partidos en casa, fixémolo a semana pasada, pero agora hai que buscar puntos fóra, que é o que imos tentar facer esta fin de semana".
Comenta o central deportivista que Óscar Cano "pídenos ter seguridade atrás e todo o equipo está a facelo moi ben. Non soamente os defensas, senón que os atacantes ou os mediocentros fan o traballo defensivo e pónnolo máis fácil. Cando vemos os últimos minutos do último partido vemos que os atacantes ían presionar para que nós sintámonos máis cómodos. O máis importante era non encaixar gol, fixémolo moi ben o último partido, pero hai que seguir desta maneira".
Engade que o técnico branquiazul "pediunos non correr riscos. Temos que sacar a pelota ao medio centro e dar seguridade atrás. Entón xogamos máis simple, non buscamos pase onde a podemos perder, e o que fixemos ben con 'Lape' e con Jaime hai que continualo".
Compañeiro precisamente de Jaime no centro da zaga na última xornada, e antes de Lapeña, Pablo Martínez asegura que "atrás temos calidade, entón non me importa con quen xogue e se xogan eles tamén estou contento. Hai que seguir o traballo que estamos a facer agora, non encaixar gol e non importa quen xogue. O máis importante é o equipo e que estamos fortes. Con Jaime e con Lapeña síntome moi cómodo".
Cunha longa traxectoria no fútbol profesional francés, confesa que lle gusta a presión, que "é normal nun campo de fútbol. A min encántame, dáme forza. Non importa o que din de nós, temos que traballar e darlle alegría a #ANOSAFORZA. Nada máis".
Da substitución no banco, lembra que "ao principio da miña carreira non tiven moitos cambios, pero desde hai 3 anos cambiei moitísimo de adestrador. Eu non coñecía moito a Borja, pero é o que me deu a benvida aquí, queríame. Vivino mal porque cando hai unha situación así non o pasas ben pero hai que seguir porque o mundo do fútbol é así. Demos a benvida ao novo adestrador, agora xogamos coas súas ideas e de momento funciona".
A pesar da súa boa actuación o pasado sábado, advirte que agora "hai que seguir traballando e dar todo no campo. Eu estarei contento na última xornada, cando subamos".
