Borja Jiménez leva esta tarde á última cita de pretemporada correspondente á Dépor Xira Integral Motion 2022 a 16 futbolistas, entre eles os canteiráns Jairo e Yeremay.
O prezo único das entradas fixado polo Atlético Arteixo para todo o público asistente é de 10 euros e poden adquirirse no despacho de billetes do campo, aberta unha hora antes do inicio do partido.
Como o resto de pretemporada do Deportivo, dentro da Dépor Xira Integral Motion, o encontro tamén se retransmitirá en directo a través da canle oficial de Youtube do Club: www.youtube.com/
Finalizada a Dépor Xira Integral Motion 2022, o Dépor descansa mañá luns 22 e regresa ao traballo o martes 23 ás 10:30 en Abegondo.
A próxima fin de semana arrinca a liga en Primeira RFEF ante o DUX, concretamente o sábado 27 de agosto ás 19:30 en ABANCA-RIAZOR.
