Pre-reserva de entradas para o Athletic - Dépor do sábado 9 en San Mamés
Tras varios días de conversacións, o Real Club Deportivo e o Athletic Club chegaron a un acordo definitivo que determina a dispoñibilidade de entradas para o partido da 36ª xornada en San Mamés (sábado 9 de maio, 22:00 horas, Cat
A. Procedemento para venda de entradas a socios
Os socios do Real Club Deportivo poderán pre-reservar 600 localidades.
Para calibrar a posible demanda de entradas por parte dos socios, o Club reactiva o sistema de pre-reserva para os partidos que o Dépor disputa lonxe de Riazor: http://entradas.canaldeportivo.com.
Unicamente os socios do Real Club Deportivo poderán pre-reservar a través de entradas.canaldeportivo.com ata o vindeiro domingo 3 ás 23:59 horas. Con este sistema o Real Club Deportivo pretende que todos os seus socios teñan as mesmas oportunidades de acceso ás entradas dispoñibles.
O sistema permite facer a pre-reserva de 1 ou 2 localidades para o partido. O socio debe introducir o seu nome, apelidos, número de Abonado e IDE de socio (datos que aparecen no seu carné da tempada '14-'15). É importante lembrar que ao facer click en Pre-reservar "" recibirá un correo que deberá validar para completar o proceso.
Unha vez pechado este prazo e procedemento, se o número de pre-reservas realizadas polos socios do Deportivo é inferior ao número de entradas facilitadas polo Athletic Club, a adxudicación e reserva de entradas será directa. No caso de que o número de pre-reservas sexa superior ao número de entradas dispoñibles, todas as pre reservas validadas entrarán nun sorteo que o propio sistema realizará de forma automática.
No segundo dos dous casos, os códigos de pre-reserva dos adxudicatarios finais das entradas, así como a lista de espera e os prazos de retirada das entradas, serán publicados na páxina web do Club: www.canaldeportivo.com e na Oficina de Atención ao Deportivista do Estadio de Riazor.
Para todos aqueles socios que non teñan acceso a internet ofrécese a posibilidade de facer persoalmente a pre-reserva na propia Oficina de Atención ao Deportivista do Estadio de Riazor. Os empregados do Real Club Deportivo serán os encargados de introducir os seus datos no sistema para que este xere o número de pre-reserva correspondente.
Os adxudicatarios finais das entradas poderán retiralas, mostrando o carné de socio e o DNI dos usuarios das mesmas, na Oficina de Atención ao Deportivista entre o martes 5 e o xoves 7 de maio dentro do horario habitual (de 10:00 a 13:30 e de 16:30 a 19:00 horas) e abonalas en efectivo ou con cartón de crédito no momento da compra.
Se houbese entradas reservadas non retiradas, o venres poríanse á venda para os que estivesen en lista de espera e que serán informados da súa presenza e orde na mesma. Se non houbese lista de espera, as entradas venderanse ao público en xeral o propio venres.
A información puntual de todo o proceso ofrecerase en www.canaldeportivo.com , única canle oficial da comunicación do Real Club Deportivo.
B. Procedemento para venda de entradas a Penas
Atendendo ás comunicacións establecidas e ás solicitudes recibidas en firme no Club por parte das penas desde hai meses, 500 entradas están a disposición das penas deportivistas.
As agrupacións deberán solicitar formalmente as entradas en atencion.deportivista@rcdeportivo.es. Unha vez recibida a solicitude, desde o departamento de Atención ao Deportivista responderase detallando a dispoñibilidade, datos a remitir, prazos de pago e entrega ou calquera outro punto a ter en conta para completar o proceso.