Preparando a final do Torneo Internacional de Caracas

Fronte ao Deportivo Italia, que empatou con Millonarios
NA PRÓXIMA MADRUGADA O DEPORTIVO XOGARÁ A FINAL DO ?TORNEO DE CARACAS?

Na última madrugada enfrontáronse no Estadio Olímpico, Deportivo Italia e Millonarios de Colombia, finalizando o partido con empate a un gol. Millonarios, tras a súa derrota co Deportivo, tomou o encontro sen demasiado interese e xogou moi por baixo das súas posibilidades. O Deportivo Italia mostrouse como un equipo loitador con algunhas individualidades sobresalientes. (...)

-Chegou o mejicano Ponte.

Xa se atopa co Deportivo o mejicano Ponte, dianteiro centro que vén para ser sometido a proba. Estiven a charlar con el no hotel Ávila e facilitoume os seus datos: é de México D.F; ten 27 anos, mide 1,80 metros e pesa 74 quilos. Xoga no León, de dianteiro centro. Na última tempada marcou 17 goles e na anterior logrou 32 tantos. É rompedor e vai a por todas, segundo as súas propias palabras. Será probado de forma oficial contra o Deportivo Italia na final do ?Torneo Internacional?.

-Adestrou o Deportivo.

Hoxe pola mañá os xogadores foron a practicar suavemente ao campo de San Ignacio baixo as ordes de Cheché Martín. Neste adestramento xa participaron o mejicano Ponte e o porteiro do Galicia de Caracas, Morezzi, quen é posible que, dada a súa maior experiencia e a transcendencia decisiva do partido, ocupe mañá a portaría deportivista fronte ao Deportivo Italia na final.

Todos os xogadores mostráronse en bo estado físico e moi animados. Por certo que o adestramento foi seguido por un gran número de paisanos galegos, e Neira díxome que estaba impresionado da forma en que o Deportivo actuara e derrotara aos Millonarios e do ben que atopaba aos xogadores neste adestramento, considerándoos favoritos para gañar o ?Torneo?.