#ANOSACANTEIRA tivo hoxe domingo citas de pretemporada en Taboada (Lugo), Oviedo e A Torre.
O penúltimo partido do Fabril desta pretemporada disputouse esta tarde na localidade lucense de Taboada ante a SD Compostela de Segunda RFEF. Óscar Gilsanz citou a todo o seu cadro, incluídos os futbolistas que onte sábado se adestraron ás ordes de Borja Jiménez en ABANCA-RIAZOR co primeiro equipo: Yeremay, Dani Barcia, Jairo, Fito e Tim. O triunfo (1-2), de pompa ante un rival de superior categoría, foi fabrilista. Tim e Nájera foron o goleadores do filial branquiazul.
A tarde-noite do venres, outro encontro do Fabril en Abegondo, esta vez ante o Betanzos CF, abriu unha nova fin de semana en #ANOSACANTEIRA. Despois de 90 entretidos minutos, impuxéronse (3-2) os fabrilistas con goles de Martín Ochoa, Jesús Ares e Diego Gómez ante un rival de inferior categoría pero que plantou cara.
Tamén hoxe, o Deportivo ABANCA B venceu na Torre (12-0) ao Sárdoma CF B na XVIII edición do Memorial Manuel Fernández Faraldo, organizado polo Orzán SD.
Dépor ABANCA B: Martina, Elena López 'Cusi', María Calvo, Celia, Uxía Cabada, Laura Testa, Abril, Tati, Lucía Rivas, Carmen Carballada, Laura Otero. Tamén xogaron: Uxía Rabuñal, Lucía Mariño, Lucía Couto, Sara Cercido, Antía Brage e Ana Capelo.
O pasado mércores, o Deportivo ABANCA B tamén se adxudicou ante o Lóstrego CF no campo da Gándara en Chaín (Gondomar, Pontevedra) o Trofeo Concello de Gondomar. Foi a terceira cita de pretemporada para o filial feminino e terceira vitoria após os triunfos anteriores ante as Viaxes InterRías FF (2-0) e o Umia CF (0-1). Decidiu o choque (0-1) para as branquiazuis un tanto de Ana Capelo, xogadora de categoría cadete do Orzán SD Feminino.
Precisamente o xoves estreouse en pretemporada o Orzán SD Xuvenil Feminino de Primeira División Galega. Cultivou un bo empate (1-1) ante o Bergantiños CF nas Eiroas. O gol orzanista foi obra tamén de Ana Capelo. E este equipo, xunto ao Orzán SD Cadete Feminino e Orzán SD Infantil Feminino competiron hoxe no citado Memorial Manuel Fernández Faraldo na Torre. Houbo medalla de ouro para xuvenís e cadetes orzanistas.
Finamente, o Xuvenil B acabou en cuarta posición da Copa Principado após caer hoxe co Real Valladolid (0-3) e o RC Celta (0-1).
Onte sábado viviuse unha intensa xornada de pretemporada. O Xuvenil A venceu (1-5) ao Chantada Atlético; o Cadete empatou (3-3) en Abegondo cos xuvenís do Bertamiráns FC; e o San Tirso SD Cadete dobregou en O Monte (4-0) ao CD Calasanz A.
A maiores, Infantil e San Tirso SD Infantil participaron na MS2 Cup de Vigo, con medalla de prata para o primeiro despois dunha emocionante final ante o RC Celta.
Os resultados da fin de semana foron os seguintes:
Terceira RFEF
FABRIL 3 (Martín Ochoa, Jesús Ares e Diego Gómez) - BETANZOS CF 2
SD COMPOSTELA 1 - FABRIL 2 (Tim e Nájera)
Categoría feminina
Trofeo Concello de Gondomar
LÓSTREGO CF 0 - DEPORTIVO ABANCA B 1 (Ana Capelo)
Memorial Manuel Fernández Faraldo
DEPORTIVO ABANCA B 12 (Ana Capelo -4-, Lucía Rivas -2-, Carmen Carballada, Tati, Antía Brage, Abril Pazos, Laura Otero e unha futbolista rival en propia meta) - SÁRDOMA CF B 0
BERGANTIÑOS CF 1 - ORZÁN SD XUVENIL FEMININO 1 (Ana Capelo)
Memorial Manuel Fernández Faraldo
Tres en un
Domingo 28 de agosto
ORZÁN SD XUVENIL 1 (Iría Otero) - SD TORDOIA 0. A penaltis: 3-1
ORZÁN SD XUVENIL 4 (Carlota Rubio, Iria Otero -2- e Ivana Fernández) - SD O VAL 0
Memorial Manuel Fernández Faraldo
Tres en un
Domingo 28 de agosto
ORZÁN SD CADETE 10 (Ánxela Prado -2-, Sofía Milhem, Candela González, Noa Cardeñoso -2-, Valeria Montero e Yanis Citoula) - CF NOIA 0. A penaltis: 2-3
SÁRDOMA CF 0 - ORZÁN SD CADETE 1 (Candela González)
Memorial Manuel Fernández Faraldo
Tres en un
Domingo 28 de agosto
ORZÁN SD INFANTIL 4 (Ariana Barros -2-, Sofía Rodríguez e Marta Moreno) - ATLÉTICO AROUSANA 7. A penaltis: 3-4
SD PONFERRADINA 8 - ORZÁN SD INFANTIL 2 (Sofía Rodríguez e Marta Moreno)
Categoría xuvenil
CHANTADA ATLÉTICO, de Primeira Autonómica 1 - XUVENIL A 5 (Carreira, Kevin -2- e Montero -2-)
Copa Principado 2022
Sábado 27 de agosto
Primeira Fase
XUVENIL B 0 - REAL AVILÉS 0
XUVENIL B 2 (José Rei e Mesfin) - VERIÑA CF 2
REAL OVIEDO 0 - XUVENIL B 1 (Manu Ferreiro)
Fase de Ouro
Domingo 28 de agosto
XUVENIL B 0 - REAL VALLADOLID 3
XUVENIL B 0 - RC CELTA 1
Categoría cadete
CADETE 1 (Sergio Pose) - IMPERÁTOR OAR xuvenil 0
CADETE 3 (Jairo, Brian e Vergara) - BERTAMIRÁNS FC xuvenil 3
SAN TIRSO SD CADETE 9 (Marcos -2-, Miguel -3-, Rubén, Xoel, Leandro e Álvaro 'Roxu') - URAL ESPAÑOL CF B 0
SAN TIRSO SD CADETE 4 (Álvaro, Diego -2- e Janusz) - CD CALASANZ A 0
Categoría infantil
INFANTIL 4 (Iago, Alberto, Roi e Casuso) - IMPERÁTOR OAR cadete 2
MS2 Cup en Vigo
Sábado 27 de agosto
Primeira Fase
VICTORIA FC 1 - INFANTIL 3 (Borja, Casuso e Joaquín)
AROUSA SC 0 - INFANTIL 1 (Nico)
RC CELTA B 0 - INFANTIL 3 (Roi, Casuso e Borja)
Cuartos de final
INFANTIL 5 (Samba, Casuso, Roi, Íker e Trigo) - CD CHOCO 0
Semifinais
INFANTIL 4 (Trigo, Joaquín e Casuso -2-) - RC CELTA B 0
Final
INFANTIL 1 (Roi) - RC CELTA 2
SAN TIRSO SD INFANTIL 1 (Sergio) - URAL ESPAÑOL CF A 2
MS2 Cup en Vigo
Sábado 27 de agosto
Primeira Fase
CD CONXO 0 - SAN TIRSO SD INFANTIL 0
CORUXO FC 2 - SAN TIRSO SD INFANTIL 1 (Antón)
RC CELTA 4 - SAN TIRSO SD INFANTIL 1 (Sergio)
O San Tirso SD Infantil quedou apeado da competición.
