Fin de semana de actividade reducida en ANOSACANTEIRA debido á festividade do entroido. Por este motivo teñen descanso o Xuvenil B e os dous equipos cadetes e infantís.
Para o domingo 2 de marzo queda o choque do Fabril na localidade cántabra de Escobedo de Camargo ante o UM Escobedo.
Os fabrilistas, sextos con 34 puntos e un partido menos, visitan para asentarse na zona nobre a un equipo que pelexa por evitar o descenso e en boa dinámica até o encontro da pasada fin de semana en Pontevedra: 8 partidos sen perder e 8 porterías a cero.
Manuel Pablo conta coas baixas de Aarón, Luisao, Noé e Pablo García; aínda que recupera a Kike Fernández e Álex Pereira.
O técnico advirte das dimensións do campo do Estadio Eusebio Arce, con 90 metros de longo; circunstancia que até podería provocar un cambio de sistema no filial.
Hoxe sábado 1 de marzo o Xuvenil A non puido perforar a portería do Real Avilés Industrial (0-0) e suma 1 punto.
Os branquiazuis lideran a División de Honra con 2 puntos de vantaxe sobre o segundo clasificado, o RC Celta, que ten 2 partidos menos.
Ademais na Torre xogaron o Fabril FC Alevín e os dous equipos benxamíns.
O partido do Alevín A ante o CD Calasanz pásase ao mércores 5 en Abegondo debido á participación esta fin de semana do conxunto deportivista no IV Memorial Luis Quijada na área Deportiva Puente Castro en León.
Precisamente o Alevín iniciou o pasado martes con triunfo no campo da Fontenla de Santa Comba ante o Xallas FC a súa participación no grupo norte do Trofeo Conservas Calvo de fútbol 11.
Compoñen este grupo ademais o Atlético Coruña Montañeros CF, CD Calasanz, Ural Español CF, ED Luis Calvo, San Tirso SD, Atlético Arteixo, Galicia Caranza, Racing de Ferrol, CD Lugo e Victoria Cf.
O formato de competición é de liga a unha soa volta. O campión de grupo xogarase o trofeo co campión do grupo sur nunha final que se xogará nas Eiroas (Carballo).
O calendario de partidos, cos resultados dos xa xogados, é o seguinte:
Segunda Federación
25ª xornada: UM ESCOBEDO - FABRIL, mañá domingo 2 de marzo ás 12:00 no Estadio Eusebio Arce (Escobedo de Camargo, Cantabria)
Categoría xuvenil
División de Honra, 23ª xornada: REAL AVILÉS INDUSTRIAL 0 - XUVENIL A 0
Categoría alevín
Trofeo Conservas Calvo de fútbol 11, grupo norte, 1ª xornada (martes 25): XALLAS FC 0 - ALEVÍN 10 (Lucas Albor -3-, Nico Rodríguez-Ponce -3-, Hugo Quintela -2-, Alejandro Astray e Hugo Álvarez)
Primera A Coruña de fútbol 8, grupo 1º, 17ª xornada: ALEVÍN A - CD CALASANZ, o mércores 5 de marzo ás 19:15 en Abegondo (campo de herba artificial)
Primera A Coruña de fútbol 8, grupo 1º, 17ª xornada: ATLÉTICO CORUÑA MONTAÑEROS CF 1 - FABRIL FC ALEVÍN 0
Categoría benxamín
Primera A Coruña de fútbol 8, grupo 1º, 17ª xornada: BENXAMÍN A 14 (Martín Coronel -5-, Joel Losada -4-, César Leira, Nico Castro, Pablo Gómez, Pablo Couso e Leo Galbán) - OZA JUVENIL SD 0
Primera A Coruña de fútbol 8, grupo 1º, 17ª xornada: ATLÉTICO CASTROS 0 - FABRIL FC BENXAMÍN 3 (Ian Lata, Manu López e Tomás Sánchez)
