La Voz de Galicia
Mauro Silva regresa á selección tras unha ausencia de tres anos
O seu último partido internacional disputouno en febreiro do 98
Despois de varios fracasos internacionais, con cambios de adestrador incluídos, a selección brasileira volve botar man de Mauro Silva para salvar a situación nun momento comprometido. A chegada de Luiz Felipe Scolari á dirección técnica, en detrimento de Émerson Leao, traduciuse nunha revolución na convocatoria da tetracampeona. Desta forma, o novo seleccionador recupera a ilustres veteranos como Cafú, Romario, Roberto Carlos, Rivaldo, amén do mencionado Mauro Silva, sen dúbida o regreso máis aplaudido pola torçida canarinha.
O diario tamén recolle un resumo do chat con Tristán, Tristán: «Ás veces fago cousas que non me explico nin eu»
Diego recibiu 382 preguntas nunha hora e cuarto
Simpático, sincero e afectuoso cos seus compañeiros de vestiario. Así se mostrou Diego Tristán nos encontros dixitais que organiza a edición dixital de La Voz de Galicia, onde participou nunha charla coa afección. «Ás veces fago cousas que non me explico nin eu», afirmou o futbolista para explicar o compoñente de fantasía que ten o seu fútbol. «Tento facelo o mellor posible, sáeme no momento», engadiu.
A Federación Internacional de Fútbol rexistrou un descuberto de 51 millóns de francos suízos (5.500 millóns de pesetas) despois da quebra do seu socio comercial ISMM-ISL, segundo indicou hoxe o seu presidente, o suízo Joseph Blatter.
«Chegamos a un descuberto, coa operación de mercadotecnia, de 51 millóns de francos suízos pola Copa do Mundo de 2002», declarou Blatter á prensa tras a reunión do Comité Executivo da FIFA en Zúric que estudou a quebra de ISMM-ISL.
A operación limpeza está en marcha. O Deportivo B da próxima tempada tan só terá seis caras coñecidas. Mauro Scaloni (25 anos), Javi (20), Recamán (20) e Mauri (22) teñen contrato en vigor, mentres que o porteiro José Ramón (21) e o defensa Merino (21) son os únicos futbolistas do filial que acababan contrato e que poderían integrar o seu persoal a próxima tempada en Terceira División. Dani Mallo, Carreira e Seoane poderían ser cedidos. O club, pola súa banda, anunciou onte a fichaxe do centrocampista do Caselas Pablo Martínez, de 19 anos.
Futvol.com
Scolari recupera a Mauro Silva para a 'canarinha'
O novo técnico de Brasil cita ao xogador do Depor, ausente desde o Mundial de 1994, e convoca tamén a Romario, Roberto Carlos, Rivaldo, e ás novas incorporacións do Barcelona, Rochemback e Geovanni, para o choque en Uruguai.
Libredirecto
O novo seleccionador, Luiz Felipe Scolari, fixo pública este mércores -un día despois de asumir o cargo- a súa primeira convocatoria na que a única gran sorpresa foi a volta do volante de contención Mauro Silva, do Deportivo A Coruña e que non viches a camiseta de Brasil desde o Mundial de EEUU`94.
Scolari convocou aos porteiros Marcos, do Palmeiras, e Dida, do Milán. Tamén chamou aos laterais Cafú, do Roma italiano, Roberto Carlos, do Real Madrid, Juliano Belletti, do Sao Paulo e Serginho, do Milán.
O Ideal Galego
Luís Felipe Scolari, novo seleccionador nacional de Brasil, sabe que o seu equipo se xoga a vida o próximo día 1 de xullo contra Uruguai. A escuadra ?canarinha? é cuarta no seu grupo de clasificación para o Mundial e, se queren evitar repescas de última hora, han de gañar todos os partidos que lles restan.
Víctor considera que acabar no terceiro posto non sería un fracaso
O Deportivo ten que esperar ao último partido para ratificar o seu segundo posto na clasificación de Primeira División. O Mallorca písalle os talóns e Víctor quere gañar para non depender do resultado dos pupilos de Luís Aragonés. Así, os branquiazuis non poderán descansar nin sequera no último partido da tempada. No tres anos que leva Víctor no Deportivo, o equipo coruñés sempre tivo que loitar por algo nese último encontro.
Joaquín Peiró quere evitar custe o que custe ter que disputar a Intertoto
Despois de repasar as cábalas sobre o partido que disputarán Celta e Zaragoza, e a polémica do adiantamento do encontro do Vilarreal, o adestrador do Málaga, Joaquín Peiró, entrou en materia. O encontro ante o Deportivo será, segundo Peiró ?sen concesións?, porque o único que lle vale ao Málaga é ?a vitoria e que perda o Celta? para clasificarse para a Copa da UEFA, xa que en caso contrario tería que disputar a Intertoto.
Irureta: ?Está a facer unha gran tempada?
O adestrador do Deportivo, o irundarra Javier Irureta, recibiu a convocatoria de Mauro Silva con alegría, ?é unha agradable sorpresa saber que Brasil recupera a un gran xogador como é Mauro, alégrome moito por el?.
O técnico vasco destacou o papel do internacional brasileiro no equipo coruñés: ?O equipo está a realizar unha tempada a un gran nivel e é lóxico que os seleccionadores se fixen naqueles futbolistas que poden aproveitar para reforzar as súas escuadras?.
?Mauro Silva merécese estar aí por méritos propios, porque é un extraordinario xogador e está a demostrar o seu gran nivel de xogo. Repito que me alegro moito de que Brasil volva contar con el nun momento tan importante para a súa selección?, explicou o máximo responsable técnico do equipo coruñés.
AS
Luís di que ?cando llo crea, o equipo loitará pola liga?
O Depor é o exemplo a seguir. Un club modesto entre a Primeira e a Segunda División que chegou a gañar a liga e que está entre os grandes do fútbol español e entre os poderosos de Europa
Irureta conta con todos para a final contra o Málaga
O Deportivo continúa preparando o transcendental partido contra o Málaga no que se xoga a segunda praza.
