Os socios do Real Club Deportivo Rosario Rodiño Sangiao e Óscar Maroño Vales recibirán no descanso do primeiro partido da Temporada 2018-2019 no Estadio Abanca-Riazor (o Dépor-Sporting do próximo 9 de setembro ás 20:45 h.) os premios á asistencia ao Estadio da pasada temporada. Rosario e Óscar foron dous dos 2.277 socios que asistiron á totalidade dos partidos de LaLiga e Copa do Rei da Temporada 2017-2018.
Co mesmo sistema informático que cada xornada asignou unha camiseta de Os Nosos a un os asistentes a cada un dos partidos disputados en Abanca-Riazor, e dúas prazas no ÁreA VIP 1906 entre todos os asistentes aos partidos da primeira volta, a OAD acolleu o sorteo no que se asignaron os dous gañadores e dous reservas en cada un dos casos.
Rosario Rodiño Sangiao convértese, deste xeito, na gañadora dunha motocicleta Yamaha de Manell Motor, que por terceiro ano consecutivo apoia esta iniciativa e premia aos socios do Dépor; como Viaxes Orzán, que entregará unha viaxe ao Caribe a Óscar Maroño Vales.
