O campo de fútbol municipal As Mariñas de Sada acolleu hoxe luns 12 de decembro a presentación do DéporCampus Cabreiroá de Nadal que acollerá a localidade coruñesa na última semana de 2022 por cuarto ano consecutivo.
O acto contou coa participación de Manuel García Duro, presidente do Sada CF; Manuel Losada, coordinador deportivo do Sada CF, e Pablo Barros, coordinador das actividades formativas da Fundación Real Club Deportivo.
Os días de actividade serán o 26, 27 e 28 de decembro para nenas e nenos entre os 6 e os 14 anos. As inscricións xa se atopan abertas até o mediodía do próximo xoves 22 de decembro na páxina web deporcampus.rcdeportivo.es, na que se atopa toda a información relativa ao DéporCampus Cabreiroá de Nadal en Sada e as outras dúas sedes (Alvedro e Carballo).
