Seis futbolistas viaxan de regreso esta mañá á Coruña
Ao finalizar o adestramento desta mañá en Los Ángeles de San Rafael, 6 xogadores regresan á Coruña.
Son os lesionados Borja Valle, Quique González e Dubarbier. Este último será sometido a probas médicas mañá mesmo para saber o alcance exacto das molestias na coxa esquerda que sufriu o pasado mércores na Romareda.
Ademais, os 3 fabrilistas (Álex Cobo, Víctor e Javi Cobo) poranse a disposición de Tito Ramallo para o partido ligueiro do filial de mañá domingo 16 de setembro (17:00 horas) en Abegondo ante a Ponferradina.
Os 21 restantes desprázanse este mediodía desde Los Ángeles de San Rafael a Pozuelo de Alarcón para medirse esta tarde ao AD Alcorcón (20:00, LaLiga 1|2|3 TV) en Santo Domingo, segundo esta folla de ruta:
Sábado 15 de setembro 12:00: Saída para Pozuelo de Alarcón (Madrid) 13:00: Chegada ao Hotel AC La Finca 20:00: Alcorcón - Deportivo, no campo de Santo Domingo
Ao finalizar, regreso a Abegondo en autocar
Domingo 16 de setembro 5:30: Chegada aproximada á Coruña
No adestramento desta mañá, que arrincou ás 8.30, após un quecemento, o equipo repasou ensaio de accións a balón parado (saques de banda, saques de esquina e faltas laterais).
Quique González adestrouse co readaptador Fran Molano; mentres que Borja Valle e Dubarbier seguen con tratamento médico e de fisioterapia.