Abriu a comparecencia ante os medios de comunicación o Presidente Tino Fernández, quen lle deu a benvida ao Deportivo e confirmou a duración do contrato do internacional croata: o que resta desta tempada, con opción a unha campaña máis.
A continuación, Pletikosa ofreceu as súas primeiras impresións xa como xogador do Deportivo. Viu onte ante o Vilarreal ao seu novo equipo "moi ben organizado. Mereceu máis".
Despois de case unha semana na cidade, confesou estar adaptado e "moi feliz na Coruña. Recibíronme moi ben".
Eloxiou a Germán Lux, do que subliñou que é un porteiro "de gran nivel", e mostrouse ansioso por debutar: "É unha decisión do míster. Estou ben. Con estes adestramentos e a miña experiencia, estou preparado para xogar".
