O Fabril tivo hoxe xoves 26 de xullo o seu segundo test de pretemporada. Foi no campo do Pardo da localidade asturiana de Navia fronte ao Oviedo Vetusta (filial do Real Oviedo) de Segunda División B.
O choque acabou en táboas (1-1). Diego Villares adiantou ao conxunto de Tito Ramallo no minuto 20, e igualou o equipo ovetense na recta final.
O técnico fabrilista deu minutos de xogo a todos os convocados, incluídos varios xuvenís (Guillem, Sarmiento, Iván, Álex e Israel) e varios futbolistas do Laracha CF (Iago Novo, Parga, Jiménez e Ramsés), presentes na citación en virtude do convenio entre ambos os clubs.
A próxima cita para o Fabril será este domingo 29 de xullo en Abegondo (19:00 horas) fronte ao Racing Villalbés, con entrada gratuíta para os afeccionados.
Partidos confirmados da pretemporada do Fabril '18-19':
Sábado 21 de xullo, Cidade Deportiva de Abegondo: Dépor 3 - Fabril 1 (Adri Castro)
Xoves 26 de xullo, campo do Pardo en Navia: Real Oviedo Vetusta 1 - Fabril 1 (Diego Villares)
Domingo 29 de xullo, Cidade Deportiva de Abegondo, 19:00 h.: Fabril - Racing Villalbés
Mércores 1 de agosto: Atlético Coruña Montañeros ou Portazgo - Fabril
