As claves
O técnico deportivista afirmou "gañar ao Real Madrid no Bernabeu será difícil, a min gustaríame xogar aquí a final e aceptaría a condición de favorito... gañar ao madrid sempre é difícil e na súa casa máis... non é ir de vítima ou non, é algo real, o equipo local é o Real Madrid" e engadiu que a diferenza con respecto ao encontro de Liga do mes de xaneiro no Bernabeu estará en que "debemos ser máis agresivos na recuperación da pelota... no partido de Liga non tivemos a contundencia suficiente... un equipo que quere gañar no Bernabeu ten que ser máis forte" e dixo "temos que xogar con máis rigor, máis sólidos, con máis anticipación. Hai que estar moi atentos... o Madrid sacan petróleo da mínima ocasión. Hai que ir a por todas as pelotas e a partir de aí non perdela, ter moitos apoios permanentemente, ter moita mobilidade e acertar arriba, que non é pouco".
E seguiu analizando ao rival "xogando co Real Madrid non sabes cales son as claves, ao principio hai que controlalos, se fanche un gol pronto e apoiados polo seu público poden ser moi perigosos". Pero engadiu, facendo referencia ao desprazamento masivo de deportivistas a Madrid "ímonos a sentir moi apoiados, o Depor en xeral coa xente preto dá outra imaxe, iso vainos a axudar moitísimo".
Nuno
En canto ás declaracións de Nuno, nas que pedía a titularidade para este encontro o técnico afirmou "eu sempre vou ver o interese do equipo, é verdade o que lle dixen "vas xogar a semifinal e quizá o final" pero neste momento a situación do equipo defensivamente está a ser boa e por coherencia eu teño que manter o equipo no mesmo plano. E vólvoo a dicir eu comprometinme, pero nese "quizá" hai varios factores a analizar. El comprendeuno e non hai ningún problema, el entendeuno e eu enténdoo a el perfectamente..."
A presión
Nos últimos días apareceron diversos titulares que presionan ao equipo deportivista, tema sobre o que o técnico afirmou "quen me coñecen saben que son o máis antifanfarrón, son cauto e procuro non pór os pés fose do testo... todos eses titulares de maracanazo, dodotis, etcétera non saen de min, saen da prensa, cunha certa intencionalidade" e engadiu "esperamos un ambiente incómodo. Pero creo que o equipo está con oficio suficiente para soportar a presión. Igual hai 20 días víano máis fácil pero agora téñennos máis en conta tras os últimos resultados... a partir do partido da Juventus... tomáronnos máis en consideración e de aí esa presión mediática", concluíu.
