O Dépor ABANCA, hoxe martes con xornada de descanso, inicia mañá mércores 8 de febreiro a preparación do seguinte partido en Primera Federación FutFem, no Municipal de Recasens de Lleida ante o SE AEM, o sábado 11 de febreiro ás 12:00.
Os resultados da xornada deixaron ás Nosas na 2ª posición da táboa con 37 puntos, os mesmos que o FC Barcelona B (1º) e SD Eibar (3º); e co CP Cacereño Femenino na 4ª posición con 35 puntos.
Irene Ferreras disporá de tres adestramentos en tres lugares diferentes: mércores 8 en Abegondo; xoves 9 no Monte (San Tirso), de céspede artificial como o do campo do SE AEM; e venres 10 xa en Lleida no escenario do partido do sábado.
Tanto o mércores como o xoves as futbolistas branquiazuis están citadas ás 8:30 na Cidade Deportiva para realizar tarefas previas a saltar ao céspede, como vídeo ou ximnasio.
A planificación semanal, sempre susceptible de sufrir variación por razóns técnicas, é a seguinte:
Mércores 8 de febreiro
10:00 h., en Abegondo
Xoves 9 de febreiro
10:00 h., no Monte (San Tirso)
Venres 10 de febreiro
13:00 h., no Municipal de Recasens (Lleida)
Sábado 11 de febreiro
12:00: SE AEM - Deportivo ABANCA, no Municipal de Recasens (Lleida)
