RCDeportivo RCDeportivo RCDeportivo
Skip to main content

Tres deportivistas ás portas de entrar no Equipo UEFA 2001

A páxina web oficial da UEFA revelou xa o resultado da enquisa realizada entre os internautas para configurar o once ideal do ano 2001. Manuel Pablo, Valerón e Diego Tristán, o tres deportivistas preseleccionados, quedáronse ás portas de ser os elixidos

Así no posto de lateral dereito foi seleccionado Contra, do Milan, co 41'95% dos votos mentres que Manuel Pablo quedou segundo co 40'88% dos votos recibidos. A un paso, pois, de entrar no equipo do ano. Valerón (42% na súa demarcación) viuse relegado ao segundo posto por Kily González, co 52% dos votos e Diego Tristán quedou co 18'84% dos votos na dianteira por detrás de Henry, co 19'76 e Trezeguet, co 19'63%.

O equipo complétano Santiago Cañizares (Valencia), Contra (Milan), Lizarazu (Bayern), Andersson (Barcelona), Sami (Liverpool),Beckham (Manchester), Vieira (Arsenal), Zidane (Real Madrid), Kily González (Valencia), Henry (Arsenal) e Trezeguet.