Un penalti e a expulsión de Colotto frean ao Dépor en Xirona
var ivPlayer1081611 = new IVPlayer("350", "197",false, "http://www.canaldeportivo.tv/", "/i/player/1342b.gif",IVPlayer.TYPE_JWPLAYER4, "/i/player/skin-depor.swf"); ivPlayer1081611.playVideo('player1081611', 'lfp_11-12_girona1-deportivo0_31-03-2
O vestiario branquiazul advertiu durante a semana que o cambio de adestrador (Salamero por Uribe) provocaría unha reacción no Xirona. Como así sucedeu. O equipo catalán, que loita por evitar o descenso, disputou un partido de gran intensidade, favorecido ademais pola expulsión de Colotto e a súa vantaxe no marcador.
O Dépor reaccionou tras o descanso, aínda con dez, e puido empatar. Con todo, faltou precisión e puntaría nos minutos finais; co que o gran traballo de Aranzubia quedou estéril.
Oltra introduciu tres cambios no once inicial respecto ao pasado partido ante o Córdoba. Colotto relevou a Aythami e Riki a Xisco por decisión técnica; mentres que Borja relevou a Juan Domínguez, sancionado por acumulación de cartóns.
O partido comezou cunha clara ocasión de Coro nun man a man con Aranzubia que sacou perfectamente a meta deportivista.
A réplica foi para Riki, que estrelou un gran lanzamento de falta desde fóra da área no traveseiro da portaría de Dani Mallo. O rexeite vólvelle a caer ao deportivista, que volve xutar. Este segundo disparo márchase fóra por moi pouco.
A xogada clave do partido chegou a pouco para o descanso. Nun contragolpe, Coro sortea a Aranzubia e dispara. Colotto, debaixo dos paus, impide o gol co seu brazo. O colexiado do partido non o dubida e expulsa ao central arxentino. Jandro marca a pena máxima por toda a escuadra, aínda que Aranzubia adiviñara o lugar do chute.
Na segunda metade, o Deportivo foise a por o empate e Oltra xogoulla ao final con Salomao, Xisco e Lassad. No outro área, Aranzubia volveu sacar un man a man con Coro nada máis comezar. A meta deportivista, que xogou un gran partido, mantivo ao Dépor no partido coas súas intervencións. De feito, o empate puido chegar nun gran disparo de Alex desde fóra da área que sacou Dani e un outro tiro cruzado e raso de Xisco que o porteiro coruñés do Xirona atrapou no último momento.
Ao final, derrota deportivista. Toca pensar xa no Murcia, o vindeiro domingo en Riazor.
Xirona: Dani Mallo, Jose, Tortolero, Migue, David García, Jandro, Ballini (Tebar, min. 59), Darco, Moha (Dani Neto, min. 63), Coro, Juanlu (Óscar Díaz, min. 72).
Deportivo: Aranzubia, Morel (Lassad, min. 85), Zé Castro, Colotto, Laure, Álex Bergantiños, Borja, Valerón (Xisco, min. 60), Bruno Gama (Salomao, min. 74), Riki.
Dani Mallo, Jose, Tortolero, Migue, David García, Jandro, Ballini (Tebar, min. 59), Darco, Moha (Dani Neto, min. 63), Coro, Juanlu (Óscar Díaz, min. 72).
Árbitro: Daniel Ocón Arraiz. Mostrou cartón amarelo a Gardado, Morel e a Laure por parte do Deportivo. Expulsou a Colotto con vermella directa por mans na área.
Gol: 1-0, m. 44: Jandro, de penalti.
