Xa é posible comprar as entradas por teléfono
O Deportivo da Coruña continúa traballando para mellorar os servizos que ofrece aos seus socios e afeccionados en xeral. Así, desde hoxe xa é realidade unha das prestacións máis demandadas polos seguidores deportivistas: comprar as localidades de público
Desde esta mesma tarde o Club pon en marcha a venda de entradas para o público a través do 902 43 44 43. Os afeccionados que o desexen xa poden adquirir sen desprazarse as entradas para o partido do domingo co Osasuna, para o partido co Barcelona da xornada 26ª de Liga ou do partido co Real Madrid do fin de semana do 1 e 2 de maio.
Unha vez efectuada a compra os afeccionados poderán escoller como desexan recoller as súas entradas, especificando á operadora se desexan:
- Recollelas en 48 horas hábiles en calquera oficina da extensa rede de Caixa Galicia (a máis próxima ao teu domicilio, o teu lugar de traballo ou onde ti indiques á operadora no momento da compra). Esta opción só é posible para compras con 2 días hábiles ou máis de antelación á data do partido.
- Recollelas nos despachos de billetes do Palacio dos Deportes de Riazor nos días anteriores ao encontro no horario das mesmas -10:00 a 13:30 horas e de 17:00 a 19:30. Os sábados só en horario de mañá- ou o propio día do partido -desde as 10:30 horas e ininterrompidamente ata a hora do encontro.
En todos os casos, para retirar as entradas, é requisito imprescindible presentar o cartón de crédito coa que se efectuou a compra das mesmas e o DNI do titular.
O proceso é moi fácil. O afeccionado marca o número de teléfono 902 43 44 43 onde a operadora informar as entradas á venda dispoñibles para o partido que desexa. Unha vez escollida solicitaralle os datos dun cartón bancario para efectuar o pago da/s entrada/s e informará ao abonado dos detalles da operación. Así mesmo, solicitaralle que escolla o modo de recollida.
Así de rápido, sinxelo, sen esperas e sen moverse.
O custo para o abonado é de tan só 90 céntimos, un importe simbólico se se ten en conta a comodidade, o servizo, o persoal e a infraestrutura necesaria.
Esta é outra das melloras nas que o Deportivo está a traballar esta tempada, coa colaboración de Caixa Galicia, para pór en funcionamento novos servizos de atención aos socios e afeccionados en xeral.
Esta campaña xa se puxo en funcionamento a través do mesmo número de teléfono 902 43 44 43 a renovación dos abonos da tempada, a venda de abonos e entradas para socios para os partidos de UEFA Champions League ou a posibilidade de darse de alta como Socio Amigo do Club.
