A cidade suíza de Xenebra organizará novamente un dos DéporCampus Cabreiroá, grazas á colaboración entre o RC Deportivo e o FC Signal Bernex.
A cidade helvética repite experiencia nos DéporCampus Cabreiroá por terceiro verán consecutivo, despois da súa estrea en 2016.
Á presentación do DéporCampus Cabreiroá 2018 de Xenebra, que tivo lugar na Cidade Deportiva de Abegondo, asistiron Carlos Rodríguez e Óscar Liñares, responsables do DéporCampus Cabreiroá de Xenebra; Iván Vázquez, coordinador do DéporCampus Cabreiroá de Xenebra; e Pablo Barros, director dos DéporCampus Cabreiroá.
Xenebra será unha das sedes deste DéporCampus Cabreiroá 2018 cunha quenda, do 2 ao 6 de xullo. O Stade de Bernex será o escenario deste DéporCampus Cabreiroá, cuxas inscricións están abertas a nenas e nenos de entre 6 e 15 anos.
Os DéporCampus Cabreiroá creceron de forma exponencial desde a chegada do actual consello de administración do RC Deportivo. Dun campus cunha única sede e menos dun centenar de nenos e nenas en 2013 pasáronse ás actuais 14 localizacións. Este verán estréanse 5 sedes: Ourense, Cuntis, Dumbría, Boiro e Camargo (Cantabria), que se suman ás xa existentes en Abegondo, Viveiro, Bertamiráns, Caranza, Monforte, As Pontes, Ordes, Zas e Xenebra (Suíza).
Podes atopar toda a información dos DéporCampus Cabreiroá en deporcampus.rcdeportivo.es/gl e do DéporCampus de Xenebra en deporcampusgeneva.ch.
