Semana de baño de deportivismo coa inauguración de dúas novas peñas branquiazuis, La Coz e Lucas Pérez.
O pasado martes, véspera de festivo, foi inaugurada a Pena Deportivista La Coz. A asociación atópase situada na Cervecería Brigantium, na rúa Almirante Cadarso 4 da cidade herculina.
Xunto aos membros da agrupación branquiazul, presidida por Marta Barreiro Pazos, estiveron a representar ao Dépor Jose Ángel e Martín Ochoa, xogadores do primeiro cadro branquiazul; Yohana e Henar, xogadoras do Dépor ABANCA, e o Conselleiro Carlos Ballesta.
Onte mércores, coincidindo coa festividade do 1 de maio, produciuse a posta de longo da Peña Deportivista Lucas Pérez, presidida por Pablo Martínez Gómez, cuxa sede está no Bar A do Cuñado, sito na avenida Novo Mesoiro 5.
O propio Lucas Pérez e Diego Villares foron os representantes do Dépor xunto a Raquel García e Ana de Teresa 'ADT', xogadoras do Dépor ABANCA, e o Conselleiro Vicente Fernández.
Xogadores e xogadoras compartiron agradables intres coa afección branquiazul durante os actos de inauguración de ambas as peñas e puideron asinar autógrafos e fotografarse cos seareiros branquiazuis.
