Hoxe, o Deportivo traballou en 'O Mundo do Fútbol'. Exercitáronse
todos os futbolistas excepto Pablo Amo, cunha leve sobrecarga sen
importancia, Fran e Changui; ademais de Diego Tristán, que segue a súa recuperación
no ximnasio de Abegondo.
Esta tarde haberá volta ao campo, en 'O Mundo do Fútbol', a partir do
sete da tarde.
Molina compareceu esta mañá na sala de prensa do complexo
deportivista. Prefire mellor non comparar esta eliminatoria previa coa da
tempada pasada ante o Rosenborg. "Xa veremos o que sucede. Falar antes é
moi fácil", indicou.
A meta valenciano asegurou non ter pechadas nunca as portas da
selección e confirmou que ten boa relación con Luís Aragonés. Iso si, "teño
a mente centrada no Deportivo".