RCDeportivo RCDeportivo RCDeportivo
Skip to main content
GL
PORTADA

Christian Santos seguiu desde o banco a derrota de Venezuela ante Colombia

O dianteiro deportivista Christian Santos foi convocado pola Selección de Venezuela para dous partidos amigables este mes de setembro.

A 'Vinotinto' ten como rivais a dous conxuntos mundialistas. O primeiro foi onte venres 7 de setembro (esta madrugada pasada en España) ante Colombia, no Hard Rock Stadium de Miami. Caeron pola mínima os venezolanos (2-1). Christian estivo no banco e non chegou a saltar ao terreo de xogo.

O vindeiro martes 11 (21:00, hora local, 6:00 do mércores 12 en España), Venezuela visitará a Panamá, no Estadio Rommel Fernández de Cidade de Panamá.

Christian Santos incorporouse á concentración en Miami (Estados Unidos) o pasado luns 3 de setembro. Así pois, o ariete branquiazul pérdese o debut no Estadio ABANCA-RIAZOR ante o Sporting de Gijón (domingo 9 de setembro ás 20:45 horas, Movistar Partidazo) da 4ª xornada e o partido de Copa do Rei en Zaragoza do mércores 12 de setembro (21:00 horas, Gol), correspondente á segunda eliminatoria do torneo do KO.