PORTADA

Suíza, na que milita Fabian Schär, mídese mañá a Suecia en oitavos de final do Mundial

- Foto: @SFV_ASF -

A selección suíza, na que milita Fabian Schär, xógase os oitavos de final mañá martes 3 de xullo ante Suecia (16:00 horas) no San Petersburgo Stadium.

A estas alturas, o defensor deportivista é o único sobrevivente branquiazul. Schär foi titular nos 3 partidos anteriores disputados en Rusia, que ademais disputou na súa totalidade. Mañá será baixa por acumulación de amoestacións.

Onte, Dinamarca enfrontouse en oitavos de final a Croacia no Nizhny Novgorod Stadium. O tempo regulamentario e a prórroga acabaron en igualada (1-1). Nos penaltis, foron máis certeiros os croatas (4-3).

Krohn-Dehli, despois de estar os 3 primeiros partidos da Primeira Fase no banco de suplentes, debutou con Dinamarca. Saltou ao campo no minuto 98 (na prórroga) en substitución de Thomas Delaney.

O mediocentro deportivista anotou ademais o terceiro penalti da serie de 5 penas máximas que significou o adeus danés a este Campionato do Mundo.

Os outros 3 representantes branquiazuis, Celso Borges, Francis e Ismael Díaz xa están de regreso após caer na Primeira Fase.

Este é o calendario de partidos para os deportivistas:

Fabian Schär

Copa do Mundo (Grupo E)
Domingo 17 de xuño
BRASIL 1 - SUÍZA 1

Venres 22 de xuño
SERBIA 1 - SUÍZA 2

Mércores 27 de xuño
SUÍZA 2 - COSTA RICA 2

Oitavos de final
Martes 3 de xullo
16:00: SUECIA - SUÍZA, no San Petersburgo Stadium

Michael Krohn-Dehli

Copa do Mundo (Grupo C)
Sábado 16 de xuño
PERÚ 0 - DINAMARCA 1

Xoves 21 de xuño
DINAMARCA 1 - AUSTRALIA 1

Martes 26 de xuño
DINAMARCA 0 - FRANCIA 0