Juergen Farid Elitim Sepúlveda (Cartaxena de Indias, Colombia, 13 de xullo de 1999) converteuse, pendente de recoñecemento médico, en novo xogador do Real Club Deportivo para a próxima temporada.
Elitim, que actúa como mediocentro ofensivo e extremo, chega cedido por unha campaña por parte do FC Watford, club ao que pertence desde 2018. Marbella FC (58 partidos) e Ponferradina (41 partidos dos 42 da temporada pasada) referencian en España a carreira do novo futbolista colombiano.
54 partidos e 3 goles en Segunda B, 41 en LaLiga SmartBank, 3 de Copa do Rey e 1 de promoción a Segunda déixano a un partido do centenar no fútbol español, cifra que alcanzará vestindo a camiseta do RC Deportivo. O xogador incorporarase o vindeiro mércores ás sesións de traballo do equipo.
