Michael Krohn-Dehli e o fabrilista Francis Uzoho encaran mañá martes 26 de xuño o seu último partido da Primeira Fase do Mundial de Rusia co obxectivo de clasificarse para oitavos de final.
O mediocentro danés, que espera polo seu debut mundialista tralos dous primeiros partidos no banco, mídese a Francia (16:00 horas). Os daneses, con 4 puntos, deben puntuar ante unha selección francesa, con 6 puntos, xa clasificada, pero que desexa amarrar a primeira praza. Australia, con 1 punto, agarda un tropezón de Dinamarca. Os australianos teñen como rival a Perú, xa eliminada.
Pola súa banda, Francis, con Nixeria, xógase a clasificación (20:00 horas) ante unha Arxentina á que só lle vale o triunfo. Os africanos suman 3 puntos por 1 dos arxentinos. O terceiro en discordia, Islandia, tamén con 1 punto, enfróntase a Croacia, con 6 puntos e xa en oitavos.
Este é o calendario de partidos da fase de grupos mundialista para os 5 deportivistas:
Michael Krohn-Dehli
Copa do Mundo (Grupo C)
Sábado 16 de xuño
PERÚ 0 - DINAMARCA 1
Xoves 21 de xuño
DINAMARCA 1 - AUSTRALIA 1
Martes 26 de xuño
16:00: DINAMARCA - FRANCIA, no Luzhniky Stadium (Moscova)
Francis Uzoho
Copa do Mundo (Grupo D)
Sábado 16 de xuño
CROACIA 2 - NIXERIA 0
Venres 22 de xuño
NIXERIA 2 - ISLANDIA 0
Martes 26 de xuño
20:00: NIXERIA - ARXENTINA, no San Petersburgo Stadium
Celso Borges
Copa do Mundo (Grupo E)
Domingo 17 de xuño
COSTA RICA 0 - SERBIA 1
Venres 22 de xuño
BRASIL 2 - COSTA RICA 0
Mércores 27 de xuño
20:00: SUÍZA - COSTA RICA, no Nizhny Novgorod Stadium
Fabian Schär
Copa do Mundo (Grupo E)
Domingo 17 de xuño
BRASIL 1 - SUÍZA 1
Venres 22 de xuño
SERBIA 1 - SUÍZA 2
Mércores 27 de xuño
20:00: SUÍZA - COSTA RICA, no Nizhny Novgorod Stadium
Ismael Díaz
Copa do Mundo (Grupo G)
Luns 18 de xuño
BÉLXICA 3 - PANAMÁ 0
Domingo 24 de xuño
INGLATERRA 6 - PANAMÁ 1
Xoves 28 de xuño
20:00: PANAMÁ - TUNISIA, no Mordovia Arena (Saransk)