Mario Soriano Carreño (Alcalá de Henares, Madrid, 22 de abril de 2002) convértese en novo xogador do Dépor para a Temporada 2021-2022 cedido polo Atlético de Madrid.
Actual xogador do filial colchoneiro, a temporada pasada acumulou 23 partidos e un gol cos branquivermellos no Grupo V de Segunda División B, ademais de chegar a debutar co primeiro equipo na eliminatoria de Copa do Rei contra o Cornellá, ademais de sumar 6 partidos na UEFA Youth League.
Mario Soriano estará xa mañá na Coruña para iniciar a súa nova etapa como futbolista branquiazul.