O Deportivo ABANCA iniciará a liga en Primeira Federación (antiga Reto Iberdrola) o vindeiro sábado 10 ou o domingo 11 de setembro. A competición concluirá o 14 de maio de 2023. As datas dos playoff de ascenso serán o 21 e 28 de maio.
O 19 de setembro disputarase a primeira eliminatoria da Copa de SM A Raíña, cuxa final a catro será do 23 ao 28 de maio de 2023.
Os 15 rivais do Dépor ABANCA na nova segunda categoría nacional, de grupo único, serán: SD Eibar, Rayo Vallecano de Madrid, RCD Espanyol de Barcelona, CDF Osasuna Femenino, DUX Logroño, FC Barcelona B, Cacereño Femenino, Granada CF, CD Juan Grande (San Bartolomé de Tirajana, Las Palmas), UD Granadilla Tenerife B, SE AEM (Lleida), Real Oviedo Femenino, CD Alba FF, Athletic Club B e Córdoba CF.
O conxunto branquiazul, dirixido por Irene Ferreras, conta até a data con estas xogadoras: Ainhoa Marín, Inés Altamira, Paula Gutiérrez, Raquel García, Patri López, Aroa Guerra, Cris Martínez, Eva Dios, Carlota Suárez e Millene Cabral.
