RCD / NOVAS

O Dépor suma o seu cuarto empate consecutivo (1-1)

29/09/2019 23:20

O Deportivo sumou o seu cuarto empate consecutivo en LaLiga SmartBank, na visita ao Estadio ABANCA-RIAZOR dun CD Mirandés que se adiantou no marcador nada máis comezar a segunda metade.

O técnico deportivista, Juan Antonio Anquela, introduciu unha soa novidade no once inicial con respecto ao que xogou a pasada xornada no Ramón de Carranza ante o Cádiz CF. Borja Valle ocupou o posto de Christian Santos como home máis adiantado.

Non chegou até o minuto 26 a primeira combinación en ataque dalgún dos dous equipos. Esta saíu das botas deportivistas, nunha triangulación entre Borja Galán e Salva Ruiz, cuxo centro rematou co seu pé dereito Álex Bergantiños. O frouxo disparo do capitán branquiazul perdeuse á esquerda da portería burgalesa.

A resposta do equipo visitante non se fixo esperar. No minuto 28, Dani Giménez desviou a córner un dereitazo con moita intención de Marcos André, que tentou sorprender por arriba ao gardameta deportivista.

Até entón, o partido desenvolveuse entre múltiples imprecisións en mediocampo, sen que ningún dos dous equipos roldase a área rival con certo perigo. Só fíxoo o Mirandés, nada máis comezar, nunha chegada polo extremo dereito de Merquelanz, cuxo centro rozou en Salva Ruiz e a punto estivo de coarse polo primeiro pau a Dani Giménez, que reaccionou a tempo para rexeitar a saque de esquina.

E o partido volveu desenvolverse polos mesmos camiños que a primeira metade do período inicial, con excepción dalgunha falta colgada á área e algún córner, case sempre a favor do conxunto castelán. Ata que no minuto 44 Mollejo recuperou unha pelota no extremo esquerdo e cedeu para Borja Valle, cuxo potente dereitazo desviou Limones a saque de esquina cando se dirixía cara á escuadra dereita do seu marco.

Sen movementos no marcador chegouse ao descanso, á volta do cal se produciu a primeira modificación do partido. Christian Santos entrou por Borja Galán, pasando entón a ocupar Borja Valle a posición de extremo esquerdo.

Con todo, aos tres minutos da continuación, o Mirandés adiantouse no marcador. Foi nunha acción verdadeiramente desgraciada, na que un disparo desde a frontal da área de Iñigo Vicente desviárono as pernas do seu compañeiro Sergio González. O balón saíu xusto cara ao pau contrario do que se lanzou Dani Giménez. Nun gran esforzo, Javi Montero sacouno sobre a mesma liña de gol. O seu rexeite, con todo, caeu a pés de Marcos André, que fusilou a pracer a portería deportivista.

Con todo, o Deportivo refíxose pronto. Cinco minutos despois, unha boa combinación en ataque acabou coa chegada de Bóveda, completamente só polo extremo dereito. O lateral soltou un canonazo ao entrar na área. Limones rexeitou como boamente puido o esférico, que quedou solto na área, onde Mollejo, pleno de fe, lanzouse ao chan para roubar a carteira a Cristian González e levar a pelota ao fondo das mallas.

Os branquiazuis gañaron terreo a base de decoro e Anquela meteu toda a madeira que puido no terreo de xogo, con Peru Nolaskoain e Samuele Longo.

O Deportivo reclamou dous penaltis. O primeiro nunha cabezada de Christian Santos, agarrado polo ombreiro por Sergio González cando remataba a portería. O segundo, nunha rápida acción polo extremo esquerdo, con chegada de Salva Ruiz desde atrás, na que Carlos Julio vai ao chan e o lateral zurdo branquiazul anticípase. En ningunha das dúas accións Ortiz Arias recibiu indicacións do VAR, Gorostegui Fernández-Ortega, que na primeira metade si asesorara ao colexiado principal nunhas claras mans de Álvaro Peña na área visitante que tampouco foron castigadas como penalti.

Con todo, non chegou o desexado segundo gol, concluíndo o encontro cun novo empate, o cuarto consecutivo, que eleva a 7 a conta de puntos do equipo branquiazul en LaLiga SmartBank.

RC Deportivo: Dani Giménez, Bóveda, Lampropoulos, Montero, Salva Ruiz, Álex Bergantiños, Gaku Shibasaki (Peru Nolaskoain, min. 66), Mollejo, Aketxe, Borja Galán (Christian Santos, min. 46) e Borja Valle (Longo, min. 75).

CD Mirandés: Limones, Carlos Julio, Sergio González, Cristian González, Kijera, Álvaro Peña (Matheus Aias, min. 81), Malsa (Guridi, min. 90), Iñigo Vicente (Álvaro Rey, min. 60), Antonio Sánchez, Merquelanz e Marcos André.

Goles: 0-1 Marcos André (min. 49); 1-1 Mollejo (min. 54).

Árbitro: Ortiz Arias (c. madrileño). Cartón amarelo a Mollejo (min. 15), Javi Montero (min. 60) e Malsa (min. 90).

Incidencias: partido da 8ª xornada de LaLiga SmartBank disputado no Estadio ABANCA-RIAZOR ante 13.409 espectadores.

RCD / J8 LaLiga SmartBank

Suplentes

Suplentes

Estadio

Estadio ABANCA-RIAZOR

Goles

  • 0-1 (49'). Marcos de Sousa
  • 1-1 (54'). Victor Mollejo

Árbitro

..

RCD / Vídeo

RCD / Vídeo

RCD / Vídeo

Valora a #osnosos no #DéporMirandés

#ANOSAFORZA
6,7
MOLLEJO
5,8
DANI GIMÉNEZ
5,8
ÁLEX BERGANTIÑOS
4,8
PERU NOLASKOAIN
4,5
SALVA RUIZ
4,0
BORJA VALLE
4,0
AGER AKETXE
3,9
CHRISTIAN SANTOS
3,7
ENEKO BÓVEDA
3,6
JAVI MONTERO
3,6
LONGO
3,6
EQUIPO ARBITRAL
3,4
GAKU SHIBASAKI
3,3
BORJA GALÁN
3,1
LAMPROPOULOS
3,0
EQUIPO TÉCNICO
2,2
O periodo de votación finalizou o 03-10-2019 12:00.