RCD / NOVAS

O Deportivo fará o corredor de campión ao FC Barcelona

26/04/2018 19:06

O Real Club Deportivo recibirá ao Fútbol Club Barcelona coas honras que merecen os vencedores no partido do próximo domingo no Estadio Abanca-Riazor. O equipo branquiazul, que suma ademais a súa condición de bicampión da Copa de SM O Rei nas temporadas '94-'95 e '01-'02 e campión de Liga no ano 2000, realizará o corredor de campión ao conxunto blaugrana após proclamarse gañadores de Copa o pasado sábado no Wanda Metropolitana fronte ao Sevilla FC.

Este xesto de homenaxe e recoñecemento ten precedente na última xornada de LaLiga '15-'16 e a penúltima da '10-'11, ambas as no Nou Camp, nas que o Dépor enfrontouse ao primeiro equipo daquela temporada. En Abanca-Riazor, de novo co Barça como protagonista, o Deportivo honrou aos azulgranas ao peche da temporada 2008-2009. Un Dépor que tamén foi protagonista e honrado polo Rayo Vallecano após gañar a Copa no Santiago Bernabéu en marzo de 2002 ao Real Madrid e polo Athletic Club no primeiro partido da temporada 2000-2001, día no que Fran recibiu en Riazor o trofeo de Campións de Liga da temporada anterior.