RCD / NOVAS

O duelo Borges-Schär en Rusia para #ANosaHistoria acaba en táboas

27/06/2018 23:27

Celso Borges e Fabián Schär protagonizaron un choque para #ANosaHistoria no Nizhny Novgorod Stadium na última xornada do grupo E.

Ambos os xogadores, como nos anteriores 2 partidos, foron titulares e estiveron sobre o céspede durante todo este partido, o primeiro da historia das Copas do Mundo no que se enfrontaron dous xogadores pertencentes ao Club blanquiazul.

O partido, que acabou en empate (2-2) foi de poder a poder. Empezou mellor Costa Rica e mesmo Celso puido marcar de espléndida cabezada que salvou o meta suízo Yann Sommer, en colaboración co pau dereito da súa portería.

Os suízos non perdoaron as súas oportunidades e puxéronse por diante até en dúas ocasións. Os 'Ticos' nunca se renderon e acabaron o Mundial cun sorriso.

Suíza pasa á seguinte fase como segunda de grupo, por detrás de Brasil. O seu rival en oitavos de final será Suecia, o martes 3 de xullo ás 16:00 no San Petersburgo Stadium.

Mañá xoves, aínda que xoga Panamá, non haberá representación deportivista, debido a que Ismael Díaz caeu lesionado no seu xeonllo dereito no transcurso dun adestramento.

Segundo informou a Federación Panameña, as probas médicas ás que foi sometido revelan unha "contusión ósea no cóndilo femoral externo do seu xeonllo dereito". O dianteiro fabrilista será baixa no último partido da selección centroamericana no Mundial, mañá xoves 28 de xuño ante Tunisia (20:00 horas).

Este é o calendario de partidos para os 5 deportivistas:

Celso Borges

Copa do Mundo (Grupo E)
Domingo 17 de xuño
COSTA RICA 0 - SERBIA 1

Venres 22 de xuño
BRASIL 2 - COSTA RICA 0

Mércores 27 de xuño
SUÍZA 2 - COSTA RICA 2

Fabian Schär

Copa do Mundo (Grupo E)
Domingo 17 de xuño
BRASIL 1 - SUÍZA 1

Venres 22 de xuño
SERBIA 1 - SUÍZA 2

Mércores 27 de xuño
SUÍZA 2 - COSTA RICA 2

Oitavos de final
Martes 3 de xullo
16:00: SUECIA - SUÍZA, no San Petersburgo Stadium.

Ismael Díaz

Copa do Mundo (Grupo G)
Luns 18 de xuño
BÉLXICA 3 - PANAMÁ 0

Domingo 24 de xuño
INGLATERRA 6 - PANAMÁ 1

Xoves 28 de xuño
20:00: PANAMÁ - TUNISIA, no Mordovia Area (Saransk)

Michael Krohn-Dehli

Copa do Mundo (Grupo C)
Sábado 16 de xuño
PERÚ 0 - DINAMARCA 1

Xoves 21 de xuño
DINAMARCA 1 - AUSTRALIA 1

Martes 26 de xuño
DINAMARCA 0 - FRANCIA 0

Oitavos de final
Domingo 1 de xullo
20:00: CROACIA - DINAMARCA, no Nizhny Novgorod Stadium

Francis Uzoho

Copa do Mundo (Grupo D)
Sábado 16 de xuño
CROACIA 2 - NIXERIA 0

Venres 22 de xuño
NIXERIA 2 - ISLANDIA 0

Martes 26 de xuño
NIXERIA 1 - ARXENTINA 2

Máis novas de: SCHÄR, BORGES, KROHN-DEHLI