RCD / NOVAS

O vestiario destaca que "hoxe o máis importante era sacar o tres puntos"

19/03/2022 22:32

Alberto Quiles e Ian Mackay compareceron ante os medios de comunicación na sala de prensa de ABANCA-RIAZOR.

O dianteiro andaluz, autor dos dous goles branquiazuis, confesou estar "moi feliz pola vitoria, persoalmente polos dous goles. Teño que seguir apertando, seguir gañando, gozar hoxe e pensar mañá no RC Celta B".

Admite que non foi un partido brillante e que "hoxe se tiña que gañar e gañouse. O primeiro tempo eles teñen máis o balón pero tampouco créanche ocasións claras. Se cadra algún córner ou algunha falta. E no segundo, sobre todo cando quedan con 10 e co 2-1, aféctanos esta dinámica anterior, o medo a que che empaten. Tiñamos que ter collido máis o balón, que corran eles porque teñen un xogador menos".

Pola súa banda, Ian Mackay, un dos capitáns, recalcou que "o importante era sacar o tres puntos sabendo ademais o resultado do Racing. Temos que seguir mirando para nós e sumando de tres en tres, que é o importante".

O meta coruñés cre que o Dépor "fixo unha boa primeira parte, co control do partido. Na segunda, co gol (do empate) entra un pouco de nerviosismo. E ao final a xogada boa de Willy e o penalti puxémonos por diante. Quizais non estivemos todo o acertados que nos gustaría pero para min hoxe o máis importante era sacar o tres puntos".

Máis novas de: QUILES, MACKAY