RCD / NOVAS

Ola e adeus á Copa na Romareda (2-1)

12/09/2018 23:16

O Deportivo despediuse da Copa do Rei 2018-2019 á primeira, ao perder en La Romareda ante o Zaragoza nunha segunda eliminatoria a partido único no que os maños se mostraron case infalibles de cara a portería.

Os aragoneses dominaron a primeira metade, na que se adiantaron no marcador e abriron brecha ao comezo da segunda metade malia que o Dépor dera un paso adiante tralo paso polos vestiarios. O tempo complementario tivo un único dono nun Dépor que recortou distancias pronto pero que a pesar do seu dominio non atopou o empate, que puido chegar nun lanzamento de Krohn-Dehli que repeleu o poste a dez minutos da conclusión.

Natxo González, preparador deportivista, realizou numerosas rotacións no once deportivista. Con respecto á última xornada ligueira, só repetiu titularidade Krohn-Dehli. Carles Gil e Fede Cartabia, que recentemente recuperados de senllas lesións participaron nos últimos minutos da vitoria ante o Sporting de Gijón, saíron de inicio. O fabrilista Víctor García, autor dos dous únicos goles que o filial marcou nas tres primeiras xornadas ligueiras, tivo a oportunidade de debutar co primeiro equipo.

No primeiro disparo a porta de todo o partido, cando o cronómetro sinalaba o minuto 6, o Zaragoza adiantouse no marcador. Giorgi Papunashvili enganchou un potente dereitazo desde a frontal da área ante o que nada puido facer Ortolá.

Recentemente superado o cuarto de hora de xogo, o debutante Víctor sacou da súa bota dereita o primeiro disparo do Dépor. O lanzamento do dianteiro valenciano marchouse moi alto.

Á media hora, Oliver Buff cazou un rexeite á saída dun córner. O seu remate co pé dereito, con todo, saíu mordido e foise pola liña de fondo. Polo mesmo lugar tamén se perdeu unha cabezada, segundos despois, de Jorge Pombo.

No minuto 36, Papunashvili buscou sorprender novamente a Ortolá, aínda que desde un pouco máis lonxe que no gol. Nesta ocasión, o lanzamento do xeorxiano foise excesivamente alto.

Coa vitoria pola mínima do cadro local chegouse ao descanso, tralo cal saltaron ao terreo de xogo os mesmos 22 protagonistas.

O Dépor deu un paso adiante e frecuentou a área zaragocista no arranque do segundo tempo, case sempre con Fede Cartabia como protagonista. A acción máis clara foi nunha cabezada que o arxentino non puido precisar debido á carga dun defensa maño.

Con todo, novamente o Zaragoza aproveitou a súa primeira ocasión para abrir brecha. Pombo cabeceou ao fondo das mallas, collendo a contrapé a Ortolá, un preciso centro de Buff desde a esquerda, no minuto 50.

Non agachou a cabeza o conxunto branquiazul, hoxe de vermello. Dubarbier respondeu rápido cun dereitazo raso que atallou Ratón. Acto seguido, o Dépor recortou distancias por medio de Fede Cartabia, que definiu no man a man ante o meta local, ante o que se plantou só grazas a un pase en profundidade de Edu Expósito. Corría o minuto 53.

Cinco minutos despois, os coruñeses acariñaron o empate após unha gran acción colectiva na que Carles Gil non puido disparar a porta cando entraba na área. Con todo, o balón quedou morto a pés de Víctor, que se perfilou para golpear co interior do seu pé dereito buscando a escuadra contraria. O tiro do dianteiro fabrilista marchouse moi preto da cruceta.

Por entón, o Deportivo xa acrecentara o seu dominio, até case monopolizar a posesión, ante un Zaragoza que deu un paso atrás para protexer a súa vantaxe.

Após roldar en numerosas ocasións a portería zaragocista, aínda que sen chegar a rematar, no minuto 79 foi Krohn-Dehli quen estivo preto do empate. O danés sacouse un remate cruzado desde dentro da área que se topou co poste dereito da portería de Ratón.

Malia súa clara superioridade na segunda metade e malia buscalo con afán nos minutos finais, os branquiazuis non atoparon o camiño do gol que forzase a prórroga.

Real Zaragoza: Ratón, Delmás, Perone, Álex Muñoz, Nieto, Buff, Javi Ros, Igbekeme, Aguirre (Pep Biel, min. 86), Pombo (Álvaro Vázquez, min. 67) e Papunashvili (Soro, min. 72).

RC Deportivo: Ortolá, Gerard, Bóveda, Somma, Dubarbier, Edu Expósito (Didier Moreno, min. 77), Pedro Mosquera, Krohn-Dehli, Carles Gil (Pedro, min. 85), Fede Cartabia e Víctor (Carlos Fernández, min. 64).

Goles: 1-0 Papunashvili (min. 6); 2-0 Pombo (min. 50); 2-1 Fede Cartabia (min. 53).

Árbitro: Trujillo Suárez (c. tinerfeño). Cartón amarelo a Carles Gil (min. 56), Fede Cartabia (min. 70), Somma (min. 82) e Gerard (min. 88).

Incidencias: partido correspondente á 2ª eliminatoria da Copa do Rei no Estadio de La Romareda ante 18.400 espectadores.

RCD / J2 Copa del Rey

  • Ratón
  • Álex Muñoz
  • Delmás
  • Nieto
  • Perone
  • Javi Ros
  • James Igbekeme
  • Buff
  • Papunashvili (72')
  • Aguirre (86')
  • Pombo (67')

Suplentes

  • Cristian Álvarez
  • Jeison Medina
  • Álvaro (67')
  • Alberto Soro (72')
  • Verdasca
  • A. Benito
  • Pep Biel (86')
  • Adrián Ortolá
  • Eneko Bóveda
  • Somma
  • Gerard
  • Dubarbier
  • Krohn-Dehli
  • Pedro Mosquera
  • Edu Expósito (77')
  • Víctor García (64')
  • Carles Gil (85')
  • Fede Cartabia

Suplentes

  • Pedro Sánchez (85')
  • Pablo Marí
  • Didier Moreno (77')
  • Carlos Fdez (64')
  • Saúl
  • Vicente Gómez
  • Álex Cobo

Estadio

Estadio de La Romareda (18.429 espectadores)

Goles

  • 1-0 (6'). Papunashvili
  • 2-0 (50'). Pombo
  • 2-1 (53'). Fede Cartabia

Árbitro

Daniel Jesús Trujillo Suárez amoestou aRatón (90+2') do R. Zaragoza y Carles Gil (56'), Fede Cartabia (70'), Somma (82'), Gerard (88') do RC Deportivo.

RCD / Vídeo

RCD / Vídeo

Valora a #osnosos no #ZaragozaDépor

FEDE CARTABIA
6,1
#ANOSAFORZA
5,8
MICHELE SOMMA
5,4
VÍCTOR GARCÍA
5,2
EQUIPO ARBITRAL
5,1
EDU EXPÓSITO
5,0
ADRIÁN ORTOLÁ
4,9
CARLES GIL
4,9
GERARD VALENTÍN
4,8
DIDIER MORENO
4,6
CARLOS FERNÁNDEZ
4,4
PEDRO SÁNCHEZ
4,2
MICHAEL KROHN-DEHLI
4,1
PEDRO MOSQUERA
3,9
EQUIPO TÉCNICO
3,8
ENEKO BÓVEDA
3,5
SEBASTIÁN DUBARBIER
3,3
O periodo de votación finalizou o 15-09-2018 12:00.