Fariña asegurou que "nos imos moi doídos porque no primeiro tempo tivemos moitas ocasións para pechar o partido", antes de mandar unha mensaxe á afección: "o público sempre vén animarnos e con moitas ganas de que gañemos, é normal que se marche molesto, pero este grupo ten que ser forte e de aquí en diante sacar puntos como sexa". A nivel persoal admitiu que os seus últimos minutos no campo non puido estar a lume de biqueira: "estou ben do xeonllo pero os problemas si que me causan falta de adestramento, por iso ao final estaba moi canso e mellor que outro compañeiro poida render máis.

Para Luisinho: "o equipo está triste, tivemos moitas oportunidades para facer gol e sufrimos un final que non esperabamos. Non fixemos os goles que tiñamos que facer e en Primeira o que non marca adoita perder"

Finalmente Laure falou das sensacións do vestiario: "doídos, pero temos que ser fortes porque o equipo deu unha boa versión, pero a fortuna non estivo do noso lado. Na primeira parte tivemos ocasións e controlado o partido, na segunda estaba máis aberto e houbo posibilidades para os dous equipos." Á xente quixo "agradecerlles o apoio e que saiban que imos dalo todo e que mañá nos imos a pór as pilas para seguir mellorando. Todos somos conscientes que imos sufrir, aínda que creo que temos menos puntos dos que nos merecemos".