RCD / NOVAS

Pepe Mel afirma que "o Dépor fixo un equipo para traballar con ilusión"

05/09/2017 20:29

Pepe Mel agradeceu esta mañá publicamente, en rolda de prensa en Abegondo, o traballo do Director Deportivo, Richard Barral, neste mercado de verán e especialmente na incorporación o último día do internacional romanés Costel Pantilimon: "Richard (Barral) fixo un traballo fantástico porque o poder de reacción era moi limitado. A situación económica nese aspecto tamén era limitada. É para felicitarlle polo poder de reacción que tivemos, neste caso el. O bo traballo que fixo podendo sacar ao porteiro do Watford. Non era unha situación sinxela".

Da chegada de Lucas, afirmou o técnico deportivista que "era un empeño persoal tamén do Presidente. El tiña toda a certeza que ía vir. Ao final conseguiuno como eu vos dixen. Estaba tranquilo porque de momento Tino me demostrou que é unha persoa que traballa moi ben e cando ten algo metido na cabeza ao final conségueo".

Mostrouse "contento co equipo que ao final o Dépor confeccionou. É un equipo para traballar con ilusión. Pechado o mercado, depende dos profesionais, para que todo salga ben". "Contento co cadro en xeral, temos un equipo para traballar ben, para ter alternativas. Depende do noso traballo, do corpo técnico, a traballar con ilusión e sacarlles o cento por cento aos xogadores", engadiu.

Nesta liña, Pepe Mel insiste en que "o noso obxectivo é aspirar ao máximo. Pero non porque o cadro estea pechado xa e esteamos contentos. Os que eramos antes tamén. Temos que responder as esixencias que ten este Club e as esixencias teñen que ser sempre de equipo gañador. O adestrador está contento, cómodo e a gusto co cadro que ten. Depende do meu traballo sacarlle o maior froito posible. Non me escondo. Sei que o Club fixo o esforzo, a Secretaría Técnica, con Richard á cabeza, fixo un bo traballo. Agora tócame a min".

Por este motivo, asegura o adestrador madrileño que "teño o suficiente cadro entre as mans como para facer unha temporada digna. Unha temporada digna é que xamais debemos estar pendentes dos apuros do pasado, e que queden niso, no pasado. Os futbolistas deben dar o cento por cento cada un do que leve dentro".

Explica as virtudes da tripulación do Dépor 2017-2018: "Teño velocidade, teño un contra un, teño bos pasadores, teño oito bos defensas. Estou contento na portería. Ademais o Fabril ofrécenos opcións en caso de problemas. Hai un bo centro do campo. É traballo do adestrador sacarlle mollo a todo isto".

Nomea a mariñeiros, por exemplo "Adrián, Andone e Lucas dannos moitas opcións. Estou contento con que quede Borja Valle, que está a traballar francamente ben, con Fede Cartabia, Bakkali que nos dan diferentes cousas, Bruno que fixo unha pretemporada excepcional e fixo un bo comezo de liga, a posibilidade de ter a Pedro (Mosquera), Guilhe, Celso (Borges) e Valverde. É un cadro que é para, como adestrador, irche tranquilo coa presión de ser adestrador e co problema que vou ter de deixar todos os fins de semana a sete futbolistas fóra da lista e outro sete fóra do once".

Ve "fundamental" a xestión da tripulación, "pero tamén é fundamental o compromiso de grupo, o bo profesional que teñen que ser os integrantes do cadro. Todo o mundo ten a mesma ilusión cando chega o luns. O sábado cando dea a lista haberá sete desencantados. E aí vén o xestionar o grupo".

Máis novas de: PEPE MEL