Pletikosa: A xente gritando 'Pleti queda' foi moi emocionante
Acompañado polos seus axentes, Stipe Pletikosa compareció esta mañana na sala de prensa de Riazor, horas antes de emprender viaxe á súa Croacia natal tras a súa experiencia (a última) como futbolista profesional na liga BBVA.
Confirmou o internacional croata que "lembrarei o resto da miña vida as emocións do pasado sábado", cando foi manteado polos seus compañeiros no centro do campo e deu a volta ao estadio acompañado por un dos seus fillos, ante a ovación da bancada. "Empecei a chorar. A xente gritando 'Pleti queda' foi moi emocionante", engadiu.
Cre que o Deportivo "detrás do Real Madrid e Barcelona é un gran Club" e, do vivido nesta recta final, opina que "hai certas cousas que teñen que quedar dentro da familia e teñen que resolverse dentro da familia. Esta é a única maneira na que o equipo poida crecer como equipo".
"Dentro do equipo os xogadores teñen que coller maior responsabilidade, e o adestrador tamén, e falar abertamente para resolver os problemas dentro do equipo. E non resolvelo fose porque non é bo nin para o Club, nin para os xogadores nin para o adestrador", insiste. "Os afeccionados apóiannos fóra de casa e en casa e non se merecen isto", conclúe.
