RCD / NOVAS

Resultados da fin de semana en #ANOSACANTEIRA

03/11/2019 14:30

A festividade do venres 1 de novembro fixo que esta xornada fose longa en #ANOSACANTEIRA, con partidos oficiais desde o pasado xoves 31 a hoxe domingo 3 de novembro.

A xornada concluíu hoxe domingo 3 co partido do Fabril en Abegondo ante o UD Ourense (3-1). Dominio total dun filial branquiazul que aos poucos se vai instalando na zona nobre da táboa.

Un total de 7 partidos máis se disputaron onte sábado 2 de novembro. O Xuvenil B e Cadete A visitaron ao Pabellón Ourense CF nos Remedios (1-2 e 1-3 respectivamente) e o Infantil B ao Atlético San Pedro en Iñás (2-4). Na Torre, os dous equipos alevíns e os dous benxamíns finalizaron con moitos goles a primeira parte da competición coa 3ª e última xornada dos seus grupos no Torneo A Coruña - As Mariñas.

Un total de tres equipos xogaron ao longo do venres: o Deportivo ABANCA B en Xixón (3-1); e Xuvenil A e Infantil A en Abegondo ante Bansander e Bertamiráns FC (1-0 e 2-0 respectivamente).

Deles destacou o choque da Liga Galega infantil, co duelo entre os dous primeiros clasificados do grupo norte e máximos aspirantes ao título: Deportivo e Bertamiráns FC. Ambos chegaban igualados con 24 puntos de 24 posibles. Venceron os branquiazuis (2-0), con dobrete de Jorge García, que alcanzan os 27 puntos e pasan a liderar o grupo en solitario.

Abriu o pasado xoves o calendario semanal o Cadete B en Abegondo ante o Bergantiños CF B (5-1). O choque corresponde ao grupo norte da Liga Galega, cuxo líder sólido é o equipo deportivista.

Os resultados da fin de semana foron os seguintes:

Terceira División
11ª xornada: FABRIL 3 (Aarón Sánchez, Mario Losada e Iago Parga) - UD OURENSE 1

Categoría feminina
Primeira Nacional, grupo 1, 8ª xornada: GIJÓN FF 3 - DEPORTIVO ABANCA B 1 (Sara Álvarez)

Categoría xuvenil
División de Honra, 9ª xornada: XUVENIL A 1 (Sarmiento) - BANSANDER 0

Liga Nacional, 9ª xornada: PABELLÓN OURENSE CF 1 - XUVENIL B 2 (Do Carmo e Noel)

Categoría cadete
División de Honra, 9ª xornada: PABELLÓN OURENSE CF 1 - CADETE A 3 (Diego Gómez, Quique Teijo e Hugo Baldomar)

Liga Galega, grupo norte, 9ª xornada: CADETE B 5 (Monteagudo, Mato -2-, Mardones e Iván) - BERGANTIÑOS CF B 1

Categoría infantil
Liga Galega, grupo norte, 9ª xornada: INFANTIL A 2 (Jorge García -2-) - BERTAMIRÁNS FC 0

Primeira Autonómica, grupo 1, 9ª xornada: ATLÉTICO SAN PEDRO 2 - INFANTIL B 4 (Noé, Beade, Memet e Íker Fernández)

Categoría alevín
Torneo A Coruña - As Mariñas, grupo A, 3ª xornada e última: ALEVÍN A 13 (Xabi -4-, Nico Ruiz -3-, Yago, Marcos, Janusz, Leandro, Diego e Pablo) - LA PAZ CF B 1

Torneo A Coruña - As Mariñas, grupo B, 3ª xornada e última: CALVO SOTELO B 0 - ALEVÍN B 16 (Paulo, Gael, Yago Trigo -3-, Uxío, Mauro, Ioan -2-, Joaquín, Sergio, Iago Vázquez -2-, Xoel e Nico -2-)

Categoría benxamín
Torneo A Coruña - As Mariñas, grupo A, 3ª xornada e última: BENXAMÍN A 18 (Rodrigo -5-, Hugo -3-, Iago Lameiro -4-, Raúl -2-, Martín Forján, José Quiroga, Nico e Iago Varela) - CD CIDADE 0

Torneo A Coruña - As Mariñas, grupo B, 3ª xornada e última: SCD SAN CRISTÓBAL B 0 - BENXAMÍN B 13 (Yael -5-, Nico -2-, Thiago -2-, Mateo -2-, Íker e Mario)