Saúl: Vai estar complicado non só entrar no once, tamén na convocatoria

A pesar diso, Saúl non se conforma: "O obxectivo é estar máis tempo e máis veces no campo. Pero as decisións a toma o adestrador e eu pola miña banda traballo para convencerlle de que podo xogar".

É consciente da gran competitividade do persoal: "Sabemos que hai moitísimos xogadores, todos queremos xogar e hai que respectar as decisións do adestrador". "Agora recuperouse Urreta, Gardado recuperarase en breve, Riki está a punto. Somos moitísimos xogadores para moi poucos postos. Vai estar complicado entrar non só no once, tamén nas convocatorias", apunta Saúl.

Sobre o gol que decidiu o partido ante o Hércules, opina que "nos está dando moitas posibilidades a estratexia. En case todos os partidos fixémolo. Partidos que están pechados pódense resolver así".

Tivo palabras de eloxio para Colotto, un dos artícifes en defensa e en ataque da reacción do equipo: "Non coñecía a Colotto antes de chegar. Paréceme un xogador moi completo. En estratexia e por arriba é vital para este equipo. Dános opcións en segundas xogadas".

No entanto, Saúl mostrouse autocrítico e cre que "debemos tentar xogar mellor, facer mellor fútbol. Pero hai partidos que non sairán ben e hai que tentar gañar con outras cousas". Neste sentido, di que "nos está custando ter o balón desde que empezou a liga. E durante a semana estivemos traballando este tema. Quizais con este sistema está a custarnos e non aproveitamos as variantes que nos .."

O sábado, no partido do Vicente Calderón, ten claro que enfronte "prefiro a Antonio López. Filipe paréceme mellor xogador e máis completo. Ofensivamente achega moito".