Esta fin de semana teñen cita ligueira, na segunda fase da Liga Galega, os dous equipos infantís, ambos á fronte dos seus respectivos grupos.
O A mídese ao Bergantiños CF o domingo 25 ás 10:00 na Torre e o B ao Silva SD o sábado 24 de maio ás 12:00 no Municipal de Eirís.
Por outra banda, o choque de volta da semifinal da Liga Galega cadete entre o Orzán SD e o Victoria CF pásase ao xoves 29 de maio ás 20:00 no campo de herba artificial de Abegondo.
Na ida venceron pola mínima, 1-0, as blanquinegras.
En canto ao resto de categorías, concluíron a temporada, ademais do Dépor ABANCA B, o Orzán SD Sub-21, campión de Primera Autonómica e ascendido a Tercera Federación; e o Orzán SD Xuvenil, que acabou 3º no grupo 1º da Segunda Autonómica e está á espera de confirmación oficial do seu ascenso a Primera Autonómica.
O calendario de partidos é o seguinte:
Liga Galega cadete
Fase Final polo Título, semifinal, volta: ORZÁN SD CADETE - VICTORIA CF, o xoves 29 de maio ás 20:00 en Abegondo. Na ida: 1-0
Liga Galega infantil, segunda fase
8ª xornada: ORZÁN SD INFANTIL A - BERGANTIÑOS CF, o domingo 25 de maio ás 10:00 na Torre (campo 1)
Clasificación do grupo 1A: 1. Orzán SD Infantil A (un partido máis), 24 puntos; 2. SCD Milagrosa, 15 puntos... 6. Bergantiños CF, 3 puntos
8ª xornada: SILVA SD - ORZÁN SD INFANTIL B, o sábado 24 de maio ás 12:00 no Municipal de Eirís
Clasificación do grupo 2A: 1. Orzán SD Infantil B, 18 puntos; 2. Silva SD, UD Cerqueda e UC Cee, 12 puntos...
