O canteirán Trilli, que caeu da convocatoria do pasado domingo ante o RC Celta B a consecuencia dunhas molestias no psoas da súa perna esquerda, adestrouse esta mañá con normalidade no regreso ao traballo de Os Nosos de cara á próxima cita no grupo 1º de Primera Federación, o sábado 1 de abril ás 19:00 no Estadio Reina Sofía (InSports.tv) ante o Unionistas de Salamanca CF.

No entanto, o pasado domingo, na rolda de prensa post-partido, Óscar Cano pediu prudencia con Trilli e a súa doenza: "Este tipo de lesión fai que igual poida adestrar mañá e o xoves non poida. Xa veremos durante a semana e no transcurso da mesma como vai evolucionando".

Co lateral destro no céspede, tan só Pepe Sánchez está con adestramento personalizado.

O corpo técnico branquiazul, após un quecemento con rondos, dispuxo un primeiro exercicio táctico, un partido 11 contra 11 e fútbol reducido para concluír, no que participou tamén o fabrilista Brais Val.

Mañá xoves, Os Nosos están citados ás 9:00 en Abegondo para saltar ao céspede a partir das 10:30 horas.