RCD / NOVAS

"Veño coa intención de poder quedarme moito tempo", di Didier Moreno na súa presentación

21/08/2018 18:37

Didier Andrés Moreno Asprilla (Pizarro, Colombia, 15 de setembro de 1991) foi presentado esta mañá como novo xogador do Real Club Deportivo por esta temporada, cedido polo Independente de Medellín, con opción de compra.

En primeiro lugar, o centrocampista colombiano, sempre cun sorriso, pousou para os medios gráficos coa súa nova camiseta, acompañado por Carmelo del Pozo, Director Deportivo.

Xa na sala de prensa, someteuse ás preguntas dos medios de comunicación.

Confesou que "os compañeiros me acolleron moi ben. Sentiuse a calor humana. Aproveitarei esta nova oportunidade, esta nova experiencia para gozar ao máximo".

Do Dépor atráelle "o gran proxecto que ten o Dépor, as súas iniciativas de volver retomar a súa grandeza. Con estas aspiracións vimos tratar de achegar o que máis se poida a esta gran institución e poder recuperar as súas posicións".

Contou Didier que o proceso negociador "fíxoseme fácil polo gran proxecto que hai, polo que se quere, polo que se aspire. Iso fixo que non se dubidase en tomar a decisión de vir".

Nesta liña, asegura que "o que máis seduce do Dépor é a súa historia, a grandeza que ten. Estar nun club como este para calquera xogador é un anhelo. Hai tempo viña buscando unha posibilidade de vir a Europa. Preséntaseme esta, un equipo que quere recuperar o seu posto en Primeira División. Imos traballar para iso, imos xogar partido tras partido. Esperemos a final de temporada poder celebrar ese ascenso".

O novo centrocampista branquiazul pódelle dicir aos afeccionados deportivistas que "van ter un xogador que se entrega ao máximo, que sempre vai saír a dar o mellor pola institución. Non vai dar unha pelota por perdida. Independentemente da posición na que o míster queira utilizarme, vou dar o mellor de min para beneficio do Club".

Lembra que era capitán no seu anterior equipo, en Medellín: "Teño innato ese liderado, ese carácter. Esperemos poder sobrepoñernos a todo o que se presente aquí, poder facer unha moi boa temporada".

Por iso mesmo defínese como un futbolista "con carácter, aguerrido, forte fisicamente. Un xogador que pode achegar moito na construción e elaboración de xogo. Ante todo hai que poder demostralo dentro do campo".

Non teme á adaptación ao fútbol europeo: "É un proceso. Esperemos adaptarnos rápido. Todos os cambios custan. Nun está ter a madurez e a tranquilidade para levar ese proceso no día a día. Esperemos que non sexa a longo prazo, senón a moi curto prazo ao xogo de acá".

Recalca que vén ao Dépor "emocionado. Veño coa intención e a idea de poder quedarme moito tempo. Inicialmente de conseguir o noso obxectivo que é volver a Primeira".

Máis novas de: DIDIER MORENO