Vicente Gómez recoñeceu esta mañá na sala de prensa de ABANCA-RIAZOR que é feliz no Dépor: "Estou moi contento e quizais sinto máis en débeda coa xente. Estou moi agradecido como me acolleron aquí. Síntome moi cómodo. Vivo moi ben na cidade e sentimento de débeda coa xente, de querer facer un bo ano para que esta xente que nunca para de animar, se quizais lle podamos axudar a que a súa vida sexa un pouco máis feliz cos resultados deportivos, facelo".
O centrocampista branquiazul dá unha das claves para tentar traerse os 3 puntos do Estadio de Gran Canaria este domingo 13 de outubro (21:00 horas, #Vamos), que é "tentar quitarlles o balón. Coñezo ben a este tipo de futbolistas e cando Jonathan non ten o balón, frústrase moito. E por aí quitándolles a pelota e sendo nós os que mandemos no partido, pode empezar a cambiar a situación".
Nesta liña, admite que el mesmo sente máis cómodo sempre que "o equipo teña a iniciativa co balón e saír desde atrás xogando. É o que me fixo dar o salto de calidade en Primeira División e na UD Las Palmas: asociacións en curto, superioridade".
Na súa opinión, cando hai un cambio de adestrador como lle sucedeu ao equipo nesta semana, "primeiro hai responsabilidade. Ao final os que xogan son os xogadores e falando de fallos impropios da nosa calidade, sente un responsable e afectado porque cando as cousas non van ben, por moito que apunte ao adestrador, ti sabes que es o responsable porque estás a xogar. Pero desde que vén outro adestrador e empezas a traballar, dáche ás para ver se é capaz de tocar a tecla, de esquecerte un pouco do pasado, que é o que traballamos un pouco. Borrar o que pasou até agora, porque iso xa non se pode arranxar. Centrarnos nunha temporada que empeza con este míster esta fin de semana. Aínda hai tempo para facer moitas cousas e chegar a todo. Darlle a volta á situación sendo responsables os xogadores, que somos os que xogamos".
Da UD Las Palmas, Vicente destaca en primeiro lugar a Jonathan Viera, "o mellor xogador da liga sen dúbida. Estiven con el toda a vida xogando e en Primeira era, quitando a Messi e algún outro grande, era o máis determinante por números en canto a asistencia e a goles. En Segunda quédaselle pequena. Decidiu xogar aí porque ama o escudo. Podía estar en calquera outro club de Primeira até final de ano".
E sobre Pedri, un dos futbolistas revelación do campionato, subliña o centrocampista branquiazul que "nas Palmas falan marabillas del e o normal é que coa progresión que leve acabe xogando nun bo equipo de verdade".
De regreso á súa casa por segunda temporada, Vicente recalca que "para min é un partido moi emotivo. Vivino todo alí. Fíxenme futbolista e pasei por todas as fases dun futbolista. Vai ser moi bonito. Non vai ser o mesmo que a temporada pasada, que era a primeira vez que ía. Pero vai ser un día moi especial, un día moi emotivo. Espero deixar as emocións outra vez no vestiario e facer un bo partido. O Club non está nunha boa situación, non estamos nun bo momento; e tamén por min, que non estou a participar. Facer un bo partido alí que me sirva para reivindicarme un pouco e dicir que eu estou aquí tamén, que podo xogar".
