Víctor: ''unha vitoria daríanos o obxectivo coas poucas xornadas que quedan''
Víctor Sánchez do Amo manifestó esta mañana en rolda de prensa, en referencia ao encontro de mañana sábado en Ipurúa ante o Eibar (22.05, TVE), que "para nós desde logo o que é important
Cre que tras os resultados de onte xoves (vitorias de Xetafe e Granada), "recortáronnos 3 puntos da vantaxe que tiñamos e por suposto que é importante o partido que temos contra o Eibar. Xa o era antes. Non só queremos pechar o obxectivo da permanencia, senón tentar quedar o máis arriba posible na clasificación".
Apunta que "temos a vantaxe de depender de nós, de afrontar os partidos coa máxima ilusión e de buscar a vitoria, como facemos sempre. Unha vitoria daríanos o obxectivo coas poucas xornadas que quedan. Chegar a eses 41 puntos sería definitivo. Co cal imos ir a buscalo a Eibar, sabendo que é un partido difícil e contra un rival que ten eses 41 puntos, permitiríanos alcanzarlle, un rival directo. Pero un rival que é complicado, que xa o vimos no partido de ida en Riazor".
Para lograr ese ansiado triunfo, o técnico deportivista pide "moita intensidade, moita concentración durante os 90 minutos, e para iso preparámonos".
Onte, Tino Fernández, presidente deportivista, reuniuse co persoal e corpo técnico en Abegondo. Víctor confesou que "veu animarnos a todos, a tratar de concienciarnos da importancia dos últimos partidos. Daquela as declaracións do Presidente aí tédelas. Nada que dicir. É o noso máximo xefe e nada que opinar. Pediunos que nos centremos nos partidos, como facemos sempre. Iso é o que está na nosa cabeza. Preparar o partido todo o grupo, xogadores, corpo técnico".
Pola súa banda, Cani lembra que "temos na nosa man ter a salvación case case. Xogamos este partido niso, se conseguimos gañar, deixarémonos de mirar outros resultados, partidos atrasados e todas esas cousas".
Opina que mentres o equipo non teña a permanencia matematicamente, "hai que estar alerta. Temos confianza en gañar en Eibar e esquecernos un pouquiño de todo".
Recoñece o centrocampista branquiazul que, tras os últimos resultados, "perdemos un pouquiño o colchón que tiñamos e se seguimos así nos meteremos en máis problemas".
Cani asegura que "estamos concienciados todos da importancia deste partido, sabendo que dependemos de nós mesmos, que é o máis importante".
