150 alumnos do IES Viós participaron no programa ''Vos Nosos Valores'' do RC Deportivo

Como manifestou na súa intervención o presidente do Real Club Deportivo, Tino Fernández: "para nós é moi importante esta actividade para transmitir que o fútbol non só é o xogo que se disputa todos os fins de semana senón que temos que facer do fútbol e do equipo máis importante de Galicia e un dos máis importantes de España un vehículo de transmisión de valores de como somos os galegos, os coruñeses e neste caso a xente de Abegondo. Un sitio moi especial para nós porque é onde traballan todos os días os nosos xogadores, máis de 200 nenos e nenas que viven unha experiencia de formación como deportistas e como persoas inesquecible. Pero o Deportivo non só son eles ou nós, sodes vós, calquera afeccionado noso que leva unha camiseta do Deportivo tamén nos está representando. Estamos a mandar unha mensaxe de como somos os deportivistas. Trátase de gañar, pero non a calquera prezo, sempre respectando as normas e aos demais".

 

Tras a intervención do presidente, os nenos e nenas do IES de Viós comezaron a quenda de preguntas ao catro futbolistas do Dépor que estiveron no acto: Estefi, Perdi, Joselu e Juanfran.